കര്ത്താവ് മനുഷ്യരെ മണ്ണില് നിന്നു സൃഷ്ടിക്കുകയും അവിടുന്നു അവര്ക്ക് തന്റെ ശക്തിക്ക് സദൃശമായ ശക്തി നല്കുകയും തന്റെ സാദൃശ്യത്തില് അവരെ സൃഷ്ടിക്കുകയും ചെയ്തു (പ്രഭാ. 17:3).
പിതാവും പുത്രനും പരിശുദ്ധാത്മാവുമായ ത്രിത്വൈകദൈവമേ, അങ്ങയുടെ ഛായയിലും സാദൃശ്യത്തിലും ഞങ്ങള്ക്ക് രൂപം നല്കിയതിന് ഞങ്ങള് അങ്ങയെ ആരാധിക്കുന്നു. ഞങ്ങളുടെ ദൈവമായ കര്ത്താവേ, പിതാക്കന്മാരുടെ ദൈവമേ, വചനത്താല് അങ്ങ് സകലതും സൃഷ്ടിക്കുകയും ജ്ഞാനത്താല് അവിടുന്ന് മനുഷ്യനു രൂപം നല്കി ജീവന് നല്കുകയും ചെയ്തതിന് ഞങ്ങള് അങ്ങേക്കു നന്ദി പറയുന്നു. കാരുണ്യവാനായ കര്ത്താവേ, പൂര്ണ്ണ ഹൃദയത്തോടും പൂര്ണ്ണാത്മാവോടും പൂര്ണ്ണ മനസ്സോടും സര്വ്വശക്തിയോടും കൂടെ അങ്ങേ ഞങ്ങള് സ്നേഹിക്കുന്നു (നിയ. 6:5).
അങ്ങയുടെ പൂര്ണ്ണതയില് നിന്നു ഞങ്ങള്ക്കെല്ലാവര്ക്കും കൃപയ്ക്കുമേല് കൃപ വര്ഷിച്ച്, തന്റെ ഏകജാതനെ നല്കാന് തക്കവിധം ഞങ്ങളെ സ്നേഹിച്ച സ്വര്ഗ്ഗീയ പിതാവേ, സര്വ്വസൃഷ്ടിജാലങ്ങളോടും ചേര്ന്നു ഞങ്ങള് അങ്ങയെ സ്തുതിക്കുന്നു. അങ്ങയെ ആരും ഒരിക്കലും കണ്ടിട്ടില്ലെങ്കിലും അങ്ങുമായി ഗാഢബന്ധം പുലര്ത്തുന്ന ദൈവം തന്നെയായ ഈശോമിശിഹായെ കര്ത്താവും ക്രിസ്തുവുമായി ഉയര്ത്തിയ ദൈവമേ (അപ്പ. 2:36) അങ്ങയുടെ കാരുണ്യത്തിന് എന്നേക്കും ആരാധനയും സ്തുതിയും മഹത്വവും ഉണ്ടായിരിക്കട്ടെ. ആമ്മേന്.
1 സ്വര്ഗ്ഗ. 1 നന്മ. 1 ത്രിത്വ.
“കര്ത്താവിനു നന്ദി പറയുവിന്. അവിടുന്ന് നല്ലവനാണ്. അവിടുത്തെ കാരുണ്യം എന്നേക്കും നിലനില്ക്കുന്നു” (സങ്കീ. 107:1).
ഏഴാം ദിവസം- ശുശ്രൂഷാവരങ്ങള്ക്കായി
“അവരെല്ലാവരും ഒന്നായിരിക്കുവാന് വേണ്ടി, പിതാവേ, അങ്ങ് എന്നിലും ഞാന് അങ്ങയിലും ആയിരിക്കുന്നതു പോലെ അവരും നമ്മില് ആയിരിക്കുന്നതിനും അങ്ങനെ അവിടുന്ന് എന്നെ അയച്ചുവെന്നും ലോകം അറിയുന്നതിനും വേണ്ടി ഞാന് പ്രാര്ത്ഥിക്കുന്നു” (യോഹ. 17:21). എനിക്കുവേണ്ടി മനുഷ്യാവതാരം ചെയ്ത്, ക്രൂശിതനായി ഹോമബലി ചെയ്യപ്പെട്ട ഈശോ കര്ത്താവേ, പ്രസാദവരത്തിന്റെ പരിശുദ്ധാത്മാവിനെ അയച്ചുതരുവാന് കനിയണമേയെന്നു കരുണയുടെ പിതാവിനോട് അങ്ങയുടെ നാമത്തില് എളിമയോടെ ഞാനപേക്ഷിക്കുന്നു. പരിശുദ്ധാത്മാവ് തന്റെ എഴു ദാനങ്ങള് എന്റെമേല് അയയ്ക്കുവാന് കനിവുണ്ടാകണമേയെന്നു അങ്ങയുടെ നാമത്തില് പ്രാര്ത്ഥിക്കുന്നു.
ജ്ഞാനത്തിന്റെയും വിവേകത്തിന്റെയും ആത്മാവിനെ നല്കി നിരന്തരം വ്യാപരിക്കുവാന് അങ്ങയുടെ അരൂപിയെ അയച്ചുതരണമേ എന്ന് കര്ത്താവേ അങ്ങയോട് യാചിക്കുന്നു. കര്ത്താവിന്റെ വചനം ആത്മാവും ജീവനുമാണെന്ന് വ്യക്തമാക്കിയ പരിശുദ്ധാത്മാവേ, ദൈവവചനം ദാഹത്തോടെ വായിക്കാന് വചനത്തിന്റെ തൈലത്താല് എന്നെ അഭിഷേകം ചെയ്യണമേ. വചനത്താലും വിജ്ഞാനത്താലും ഞങ്ങളെ സമ്പന്നരാക്കിയ പരിശുദ്ധാത്മാവേ, അങ്ങേയ്ക്കു ഞങ്ങള് നന്ദി പറയുന്നു.
പരിശുദ്ധാത്മാവായ ദൈവമേ, വിവേകത്തിന്റെയും ജ്ഞാനത്തിന്റെയും വചനത്താല് ഞങ്ങളെ നിരന്തരം നിറച്ച് നയിക്കുവാന് കരുണയുണ്ടാകണമേ. കര്ത്താവിലുള്ള അചഞ്ചലമായ വിശ്വാസവും രോഗശാന്തിക്കുള്ള വരവും നല്കി ആത്മീയ ശുശ്രൂഷകളെ ഉണര്ത്തുവാന് കനിയണമെന്ന് ഞങ്ങള് പ്രാര്ത്ഥിക്കുന്നു. പരിശുദ്ധാത്മാവേ, ദൈവമഹത്വത്തിനും അതുവഴി ദൈവപുത്രന് മഹത്വപ്പെടുന്നതിനുമായി അത്ഭുതങ്ങളും അടയാളങ്ങളും സംഭവിക്കാന് അങ്ങയുടെ വലത്തുകരം ശുശ്രൂഷകളില് നീട്ടിത്തരണമേയെന്നു ഞങ്ങള് പ്രാര്ത്ഥിക്കുന്നു.
പരിശുദ്ധാത്മാവായ ദൈവമേ, പ്രവചിക്കാന് വരവും ആത്മാക്കളെ വിവേചിച്ചറിയാന് കഴിവും നല്കി തിരഞ്ഞെടുക്കപ്പെട്ടവരെ ഉണര്ത്തുവാന് കനിയണമേ, പരിശുദ്ധാത്മാവേ, ഭാഷാവരവും വ്യാഖ്യാനിക്കാനുള്ള കൃപയും നല്കി അങ്ങേ ശുശ്രൂഷകരെ വളര്ത്തുവാന് കൂടെ വസിക്കണമേ. നിത്യപിതാവിനോടു ഞങ്ങള്ക്കായി പ്രാര്ത്ഥിക്കുന്ന ഈശോയെ, അങ്ങേക്കു നന്ദി പറയുന്നു. ദൈവത്തിന്റെ വിളിയും നിയോഗവും അനുസരിച്ച് ശുശ്രൂഷ ചെയ്യുവാന് ഞങ്ങളെ പരിശുദ്ധാത്മാവിനാല് നിയോഗിച്ച് അയയ്ക്കുവാന് കരുണയും ദയയും ഉണ്ടാകണമേ. കര്ത്താവിനു ശുശ്രൂഷ ചെയ്യുവാന് ദൈവഭയമുള്ളവരെ ആത്മീയ തീക്ഷ്ണതയാല് ജ്വലിപ്പിക്കണമേ. (1 കോറി. 9:2)
നിങ്ങള് ആഗ്രഹത്താല് പ്രകടിപ്പിച്ച സന്നദ്ധത നിങ്ങളുടെ കഴിവിനനുസരിച്ച് പ്രവൃത്തിയിലും പ്രകടിപ്പിക്കുവിന് (1 കോറി. 8:11). ആമ്മേന്.
1 സ്വര്ഗ്ഗ. 1 നന്മ. 1 ത്രിത്വ.
കര്ത്താവേ, അങ്ങയുടെ വേലയ്ക്കായി എന്നെ തിരഞ്ഞെടുക്കണമേ.
കര്ത്താവേ, അങ്ങയുടെ ഹിതം നിറവേറ്റുവാന് എന്നെ സഹായിക്കണമേ. (3 പ്രാവശ്യം)
പരിശുദ്ധാത്മാവിനോടുള്ള ലുത്തിനിയ…
കർത്താവേ, അനുഗ്രഹിക്കണേ
മിശിഹായേ, അനുഗ്രഹിക്കണേ
മിശിഹായേ, ഞങ്ങളുടെ പ്രാര്ത്ഥന കേള്ക്കേണമേ
മിശിഹായേ, ഞങ്ങളുടെ പ്രാര്ത്ഥന കൈക്കൊള്ളണമേ
സ്വര്ഗ്ഗസ്ഥനായ പിതാവായ ദൈവമേ,ഞങ്ങളെ അനുഗ്രഹിക്കണേ
ഭൂലോക രക്ഷിതാവായ പുത്രനായ ദൈവമേ , ഞങ്ങളെ അനുഗ്രഹിക്കണേ
പരിശുദ്ധാത്മാവായ ദൈവമേ,ഞങ്ങളെ അനുഗ്രഹിക്കണേ
ഏക ദൈവമായ പരിശുദ്ധ ത്രിത്വമേ,ഞങ്ങളെ അനുഗ്രഹിക്കണേ
പിതാവിനോടും പുത്രനോടും സമനായ പരിശുദ്ധാത്മാവേ, ഞങ്ങളില് വന്നു നിറയേണമേ
പിതാവിന്റെ വാഗ്ദാനമായ പരിശുദ്ധാത്മാവേ,ഞങ്ങളില് വന്നു നിറയേണമേ
ദൈവത്തിന്റെ ദാനമായ പരിശുദ്ധാത്മാവേ,ഞങ്ങളില് വന്നു നിറയേണമേ
ഭൂമുഖം നവീകരിക്കുന്ന പരിശുദ്ധാത്മാവേ,ഞങ്ങളില് വന്നു നിറയേണമേ
പ്രാവിന്റെ രൂപത്തില് ഈശോയുടെമേല് ഇറങ്ങിവന്ന പരിശുദ്ധാത്മാവേ, ഞങ്ങളില് വന്നു നിറയേണമേ
പരിശുദ്ധ അമ്മയില് നിറഞ്ഞുനിന്ന പരിശുദ്ധാത്മാവേ,ഞങ്ങളില് വന്നു നിറയേണമേ
പന്തക്കുസ്താ ദിവസം ശ്ലീഹന്മാരുടെമേല് ആവസിച്ച് അവരെ ശക്തിപ്പെടുത്തിയ പരിശുദ്ധാത്മാവേ,ഞങ്ങളില് വന്നു നിറയേണമേ
ആദിമ ക്രൈസ്തവ സമൂഹത്തില് നിറഞ്ഞുനിന്ന പരിശുദ്ധാത്മാവേ, ഞങ്ങളില് വന്നു നിറയേണമേ
അടയാളങ്ങളും അദ്ഭുതങ്ങളും പ്രവർത്തിക്കുന്ന പരിശുദ്ധാത്മാവേ, ഞങ്ങളില് വന്നു നിറയേണമേ
യേശുവിന്റെ സാക്ഷികളാകാന് ഞങ്ങളെ പഠിപ്പിക്കുന്ന പരിശുദ്ധാത്മാവേ, ഞങ്ങളില് വന്നു നിറയേണമേ
തിരുവചനത്താല് ഞങ്ങളെ വിശു ദ്ധീകരിക്കുന്ന പരിശുദ്ധാത്മാവേ, ഞങ്ങളില് വന്നു നിറയേണമേ
സഭയില് നിരന്തരം വസിക്കുന്ന പരിശുദ്ധാത്മാവേ , ഞങ്ങളില് വന്നു നിറയേണമേ
കൂദാശയിലൂടെ ഞങ്ങളെ ശക്തിപ്പെടുത്തുന്ന പരിശുദ്ധാത്മാവേ, ഞങ്ങളില് വന്നു നിറയേണമേ
പ്രാര്ത്ഥിക്കുവാന് ഞങ്ങളെ പഠിപ്പിക്കുന്ന പരിശുദ്ധാത്മാവേ, ഞങ്ങളില് വന്നു നിറയേണമേ
പ്രലോഭനങ്ങളെ അതിജീവിക്കുവാന് ശക്തിതരുന്ന പരിശുദ്ധാത്മാവേ, ഞങ്ങളില് വന്നു നിറയേണമേ
ഞങ്ങള്ക്ക് പാപബോധം തരുന്ന പരിശുദ്ധാത്മാവേ, ഞങ്ങളില് വന്നു നിറയേണമേ
ഞങ്ങള്ക്ക് നീതിബോധം തരുന്ന പരിശുദ്ധാത്മാവേ, ഞങ്ങളില് വന്നു നിറയേണമേ
ന്യായവിധിയെക്കുറിച്ച് ഞങ്ങളെ ബോധ്യപ്പെടുത്തുന്ന പരിശുദ്ധാത്മാവേ, ഞങ്ങളില് വന്നു നിറയേണമേ
സത്യത്തിന്റെ പൂര്ണതയിലേക്ക് ഞങ്ങളെ നയിക്കുന്ന പരിശുദ്ധാത്മാവേ, ഞങ്ങളില് വന്നു നിറയേണമേ
ഞങ്ങള്ക്ക് സമൃദ്ധമായി ജീവന് തരുന്ന പരിശുദ്ധാത്മാവേ, ഞങ്ങളില് വന്നു നിറയേണമേ
ബോധജ്ഞാനത്തിന്റെ അരൂപിയായ പരിശുദ്ധാത്മാവേ , ഞങ്ങളെ നയിക്കേണമേ..
ജ്ഞാനത്താല് നിറയ്ക്കുന്ന പരിശുദ്ധാത്മാവേ, ഞങ്ങളെ നയിക്കേണമേ..
ബുദ്ധിയുടെ ദിവ്യപ്രകാശമായ പരിശുദ്ധാത്മാവേ, ഞങ്ങളെ നയിക്കേണമേ..
വിവേകത്തിന്റെ ഉറവിടമായ പരിശുദ്ധാത്മാവേ, ഞങ്ങളെ നയിക്കേണമേ..
ആത്മശക്തിയുടെ കതിരുകൾ ഏകുന്ന പരിശുദ്ധാത്മാവേ, ഞങ്ങളെ നയിക്കേണമേ..
അറിവിന്റെ പ്രകാശമായ പരിശുദ്ധാത്മാവേ, ഞങ്ങളെ നയിക്കേണമേ..
ഭക്തിയുടെ ചൈതന്യമാകുന്ന പരിശുദ്ധാത്മാവേ, ഞങ്ങളെ നയിക്കേണമേ..
ദൈവഭയത്തിന്റെ പ്രതീകമാകുന്ന പരിശുദ്ധാത്മാവേ, ഞങ്ങളെ നയിക്കേണമേ..
വിശ്വാസത്തിന്റെയും,പ്രത്യാശയുടെയും ആത്മാവേ , ഞങ്ങളേ വിശുദ്ധികരിക്കേണമേ
സ്നേഹത്തിന്റെയും,സന്തോഷത്തിന്റെയുംആത്മാവേ ,ഞങ്ങളേ വിശുദ്ധികരിക്കേണമേ സമാധാനത്തിന്റെയും,ക്ഷമയുടെയും ആത്മാവേ, ഞങ്ങളേ വിശുദ്ധികരിക്കേണമേ
ദയയുടെയും,നന്മയുടെയും ആത്മാവേ , ഞങ്ങളേ വിശുദ്ധികരിക്കേണമേ
വിശ്വസ്തതയുടെയും,സൗമ്യതയുടെയും, ആത്മസംയമനത്തിന്റെയും ആത്മാവേ, ഞങ്ങളേ വിശുദ്ധികരിക്കേണമേ
എളിമയുടെയും,ഐക്യത്തിന്റെയും ആത്മാവേ, ഞങ്ങളേ വിശുദ്ധികരിക്കേണമേ വിശുദ്ധിയുടെയും ദൈവമക്കളുടെയും ആത്മാവേ, ഞങ്ങളേ വിശുദ്ധികരിക്കേണമേ തിരുസഭയുടെ സംരക്ഷകനെ,ദൈവകൃപകളുടെ ഉറവിടമേ ഞങ്ങളേ വിശുദ്ധികരിക്കേണമേ
വേദനകളുടെ ആശ്വാസമേ ഞങ്ങളേ വിശുദ്ധികരിക്കേണമേ
നിത്യമായ പ്രകാശമേ,ജീവന്റെ ഉറവയെ, ഞങ്ങളേ വിശുദ്ധികരിക്കേണമേ
ഞങ്ങളുടെ ആത്മാവിന്റെ അഭിഷേകമേ,മാലാഖമാരുടെ സന്തോഷമേ,ഞങ്ങളേ വിശുദ്ധികരിക്കേണമേ
പ്രവാചകന്മാരുടെ പ്രചോദനമേ, അപ്പൊസ്തോലന്മാരുടെ അധ്യാപകനെ,ഞങ്ങളേ വിശുദ്ധികരിക്കേണമേ
രക്തസാക്ഷികളുടെ ശക്തികേന്ദ്രമേ,സകല വിശുദ്ധരുടേയും ആനന്ദമേ,ഞങ്ങളേ വിശുദ്ധികരിക്കേണമേ
കരുണാമയനായ പരിശുദ്ധാത്മാവേ, ഞങ്ങളുടെമേല് കനിയണമേ
കരുണാമയനായ പരിശുദ്ധാത്മാവേ, ഞങ്ങളുടെ പ്രാര്ത്ഥന കേള്ക്കേണമേ
കരുണാമയനായ പരിശുദ്ധാത്മാവേ, ഞങ്ങളേ അനുഗ്രഹിക്കണേ
പ്രാര്ത്ഥിക്കാം
പിതാവിനോടും പുത്രനോടും ,സമനായ ദൈവവും സകലത്തെയും പവിത്രികരിക്കുന്ന ആശ്വാസദായകനുമായ പരിശുദ്ധാത്മാവേ,അങ്ങേ ദാസരായ ഞങ്ങളുടെ ഹൃദയങ്ങളെ അങ്ങ് പവിത്രീകരിക്കണമേ. അങ്ങ് ഉന്നതനായ ദൈവത്തിന്റെ ദാനവും,ജീവനുള്ള ഉറവയും, അഗ്നിയും, സ്നേഹവും ,ആത്മീയ അഭിഷേകവുമാകുന്നു.അങ്ങ് പിതാവായ ദൈവത്തിന്റെ വാഗ്ദാനവും , ഏഴുവിധ ദാനങ്ങളോടു കൂടിയവനുമാകുന്നു. അങ്ങേ ദാനങ്ങളാലും, വരങ്ങളാലും , ഫലങ്ങളാലും ഞങ്ങളെ സമ്പന്നരാക്കണമേ.
വിചാരങ്ങളില് നൈര്മല്യവും, സംസാരത്തില് വിനയവും, പ്രവര്ത്തികളില് വിവേകവും, ഞങ്ങള്ക്ക് പ്രദാനം ചെയ്യണമേ. ക്ലേശങ്ങളില് സ്ഥൈരൃവും, സംശയങ്ങള് അകറ്റാന് വിശ്വാസവും, ജീവിത നൈരാശ്യങ്ങളിൽ പ്രത്യാശയും, മറ്റുള്ളവരില് അങ്ങയെ ദര്ശി ക്കുവാന് സ്നേഹവും ഞങ്ങള്ക്ക് പ്രദാനം ചെയ്യണമേ.
സർവശക്തനായ ദൈവത്തോടും, ഏകജാതനായ പുത്രനോടും കൂടി എന്നെന്നും ജീവിച്ചു വാഴുന്ന അങ്ങേക്ക് സ്തുതിയും, മഹത്വവും കൃതജ്ഞതയും എന്നെന്നും ഉണ്ടായിരിക്കട്ടെ. ആമ്മേന്.
