കൊച്ചി:എറണാകുളം അങ്കമാലി അതിരൂപതയുടെ സഹായമെത്രാന്മാരായിരുന്ന മാര് സെബാസ്റ്റ്യന് എടയന്ത്രത്തിനും മാര് ജോസ് പുത്തന്വീട്ടിലിനും പുതിയ ശുശ്രൂഷാമണ്ഡലങ്ങള്. മാര് സെബാസ്റ്റ്യന് എടയന്ത്രത്ത് മാണ്ഡ്യരൂപതയുടെ മെത്രാനായിട്ടാണ് നിയമിതനായിരിക്കുന്നത്. മാര് ജോസ് പുത്തന്വീട്ടില് ഫരീദാബാദ് രൂപതയുടെ സഹായമെത്രാനാകും.
സീറോമലബാര് സഭയുടെ സിനഡിന്റെ അവസാന ദിവസമാണ് ഇതു സംബന്ധിച്ച പ്രഖ്യാപനം നടന്നത്. നിലവില് മാണ്ഡ്യരൂപതാധ്യക്ഷന് മാര് ആന്റണി കരിയിലായിരുന്നു. അദ്ദേഹത്തെ എറണാകുളം അങ്കമാലി അതിരൂപതയുടെ ആര്ച്ച് ബിഷപ്പായി നിയമിച്ചതിനെ തുടര്ന്നാണ് മാണ്ഡ്യരൂപതയുടെ അധ്യക്ഷനായി മാര് എടയന്ത്രത്ത് നിയമിതനായിരിക്കുന്നത്.
2002 ലാണ് മാര് എടയന്ത്രത്ത് എറണാകുളം അങ്കമാലി അതിരൂപതയുടെ സഹായമെത്രാനായി നിയമിതനായത്. 2013 ലാണ് മാര് ജോസ് പുത്തന്വീട്ടില് എറണാകുളം അങ്കമാലി അതിരൂപതയുടെ സഹായമെത്രാനായി അഭിഷിക്തനായത്.
