മിഖായേല്‍ മാലാഖയുടെ പ്രത്യക്ഷപ്പെടലിനു ശേഷംപരിശുദ്ധ അമ്മ തന്റെ കസിനായ എലിസബത്തിനെ സന്ദര്‍ശിക്കാന്‍ തിടുക്കത്തില്‍ പുറപ്പെടുന്നതായി വിശുദ്ധ ഗ്രന്ഥം രേഖപ്പെടുത്തിയിട്ടുണ്ട്.
അവള്‍ എലിസബത്തിനെ സ്‌നേഹപൂര്‍വ്വം അഭിവാദ്യം ചെയ്തുകൊണ്ട് വീട്ടില്‍ പ്രവേശിച്ചപ്പോള്‍, അത്ഭുതകരമായ ഒരു കാര്യം സംഭവിച്ചു എലിസബത്തിന്റെ ഗര്‍ഭസ്ഥ ശിശു ദൈവമാതാവിന്റെ ശബ്ദം കേട്ടപ്പോള്‍ സന്തോഷത്താല്‍ തുള്ളി. പരിശുദ്ധാത്മാവാല്‍ നിറഞ്ഞവളായ എലിസബത്ത് ആ നിമിഷം വിളിച്ചുപറഞ്ഞത് ഇങ്ങനെയാണ്
‘ നീ സ്ത്രീകളില്‍ അനുഗ്രഹീതയാണ്. നിന്റെ ഉദരഫലവും അനുഗ്രഹീതം. എന്റെ കര്‍ത്താവിന്റെ അമ്മ എന്റെ അടുത്തുവരാനുള്ള ഈ ഭാഗ്യം എനിക്ക് എവിടെ നിന്ന്.. ഇതാ നിന്റെ അഭിവാദനസ്വരം എന്റെ ചെവികളില്‍ പതിച്ചപ്പോള്‍ ശിശു എന്റെ ഉദരത്തില്‍ സന്തോഷത്താല്‍ കുതിച്ചുചാടി. കര്‍ത്താവ് അരുളിച്ചെയ്ത കാര്യങ്ങള്‍ നിറവേറുമെന്ന് വിശ്വസിച്ചവള്‍ ഭാഗ്യവതി.’ ( ലൂക്കാ1:42-45) താന്‍ ദൈവികസാന്നിധ്യത്തിന് മുമ്പിലാണ് നില്ക്കുന്നതെന്ന് എലിസബത്ത് ആ നിമിഷംമനസ്സിലാക്കി. ഈ സമയം മാതാവ് സ്്്‌തോത്രഗീതം ആലപിക്കുന്നു.
എന്റെ ആത്മാവ് കര്‍ത്താവിനെ മഹത്വപ്പെടുത്തുന്നു. എന്റെ ആത്മാവ് എന്റെ രക്ഷകനായ ദൈവത്തില്‍ ആനന്ദിക്കുന്നു. അവന്‍ തന്റെ ദാസിയുടെ താഴ്മയെ ശ്രദ്ധിച്ചിരിക്കുന്നു; ഇതാ, ഇന്നുമുതല്‍ എല്ലാ തലമുറകളും എന്നെ ഭാഗ്യവതി എന്നു വിളിക്കും. ശക്തനായവന്‍ എനിക്ക് വലിയ കാര്യങ്ങള്‍ ചെയ്തിരിക്കുന്നു; അവിടുത്തെ നാമം പരിശുദ്ധമാണ്. അവിടുത്തെ കരുണ തലമുറതലമുറയായി അവിടുത്തെ ഭക്തരുടെ മേല്‍ ഉണ്ടായിരിക്കും. അവന്‍ തന്റെ ഭുജം കൊണ്ട് ശക്തിപ്രകടിപ്പിച്ചു. ഹൃദയവിചാരത്തില്‍ അഹങ്കരിക്കുന്നവരെ ചിതറിച്ചു. ശക്തന്മാരെ സിംഹാസനത്തില്‍ നിന്നു മറിച്ചിട്ടു, എളിയവരെ ഉയര്‍ത്തി. വിശക്കുന്നവരെ വിശിഷ്ടവിഭവങ്ങള്‍ കൊണ്ട് സംതൃപ്തരാക്കി. സമ്പന്നരെ വെറും കയ്യോടെപറഞ്ഞയച്ചു…. മറിയം മൂന്നുമാസത്തോളം അവിടെ താമസിച്ചതിനുശേഷമാണ് വീട്ടിലേക്ക് മടങ്ങിയതെന്ന് ബൈബിള്‍ പറയുന്നു,
മാതാവ് എലിസബത്തിനെ സന്ദര്‍ശിച്ച ദിനത്തിന്റെ ഓര്‍മ്മയ്ക്കായി തിരുനാള്‍ ആരംഭിച്ചത് 1385 ല്‍ ഉര്‍ബന്‍നാലാമന്‍ പാപ്പയാണ്.
