നോട്രഡാമിലെ ഈ കത്തീഡ്രല്‍ ഒരേ് സമയം കത്തോലിക്കാ ദേവാലയവും ഫ്രാന്‍സിന്റെ ചരിത്രസ്മാരകവുമാണ്. പുരാതനമായ പഴക്കമുണ്ട് ഇവയ്ക്ക്. സെന്റ് പോളിന്റെയും പീറ്ററിന്റെയും ബഹുമാനാര്‍ത്ഥം സെന്റ് സാങ്കന്റിനസ് 330 ല്‍ പണിതതാണ് ഈ ദേവാലയം. സെന്റ് ഡെനീസിന്റെ ശിഷ്യനായിരുന്ന ഇദ്ദേഹമാണ് വെര്‍ഡുന്‍ നഗരത്തെ മാനസാന്തരപ്പെടുത്തിയതും പിന്നീട് അവിടുത്തെആദ്യ മെത്രാനായതും. 457 ല്‍ സെന്റ് പല്‍ച്ച്രോണ്‍ ആണ് നിലവിലുള്ള ദേവാലയത്തിന്റെ സ്ഥാനത്ത് ആദ്യദേവാലയം പണികഴിപ്പിച്ചത്. വെര്‍ഡുനയിലെ അ്ഞ്ചാമത്തെ മെത്രാനായിരുന്നു അദ്ദേഹം.
990ല്‍, ബിഷപ്പ് ഹൈമോണ്‍ വെര്‍ഡൂണ്‍ മാതാവിന് ഒരു പുതിയ കത്തീഡ്രല്‍ പണിതു, പന്ത്രണ്ടാം നൂറ്റാണ്ടില്‍ ഒരു ഗായകസംഘവും രണ്ട് കവാടങ്ങളും ചേര്‍ത്തു. 997ല്‍, ഓട്ടോ മൂന്നാമന്‍ ചക്രവര്‍ത്തി ബിഷപ്പ് ഹെയ്മണിന് കൗണ്ട് പദവി നല്‍കി, അദ്ദേഹത്തെയും അദ്ദേഹത്തിന്റെ പിന്‍ഗാമികളെയും എപ്പിസ്‌കോപ്പല്‍ കൗണ്ട്‌സ് ആക്കി.
1147ല്‍ പോപ്പ് യൂജിന്‍ മൂന്നാമന്‍ കത്തീഡ്രല്‍ സമര്‍പ്പിച്ചു. 14ാം നൂറ്റാണ്ടില്‍ സൈഡ്ചാപ്പലുകള്‍ നേവിലേക്ക് ചേര്‍ത്തു. 16ാം നൂറ്റാണ്ടില്‍ അസംപ്ഷനില്‍ വാഴ്ത്തപ്പെട്ട കന്യകയ്ക്ക് സമര്‍പ്പിച്ചിരിക്കുന്ന മറ്റൊരു ചാപ്പല്‍ നിര്‍മ്മിച്ചു. 1755ല്‍ മേല്‍ക്കൂരയും ഗോപുരങ്ങളും ഇടിമിന്നലേറ്റ് കത്തിനശിച്ചു, ഇത് പള്ളിക്ക് കാര്യമായ നാശനഷ്ടമുണ്ടാക്കി. 1760ല്‍ പള്ളി നവക്ലാസിക്കല്‍ ശൈലിയില്‍ അറ്റകുറ്റപ്പണികള്‍ നടത്തി പുനര്‍നിര്‍മിച്ചു.
ഒന്നാം ലോകമഹായുദ്ധത്തില്‍ കത്തീഡ്രലിന് വീണ്ടും സാരമായ കേടുപാടുകള്‍ സംഭവിച്ചു, വെര്‍ഡൂണ്‍ യുദ്ധത്തില്‍ വെടിയേല്ക്കുകയും ഗോപുരങ്ങള്‍ നശിപ്പിക്കുകയും ചെയ്തു. 1936 വരെ നീണ്ടുനിന്ന നവീകരണ വേളയില്‍ ക്രിപ്റ്റ് വീണ്ടും കണ്ടെത്തി, 1935ല്‍ പുനര്‍ ഉദ്ഘാടനം നടന്നു; 1990 ല്‍കത്തീഡ്രലിന്റെ സഹസ്രാബ്ദ ആഘോഷവും.
