വളരെ ചെറിയൊരു പ്രാര്ത്ഥനയാണ് ഇത്. എന്നാല് ഒരുപാട് നന്മകള് നമ്മുടെ ജീവിതത്തിലേക്ക് കടന്നുവരാനും ദൈവകൃപയില് ജീവിതത്തെ നവീകരിക്കാനും സഹായിക്കുന്ന പ്രാര്ത്ഥനകൂടിയാണ് ഇത്.
ഒരുപാട് പ്രാര്ത്ഥിക്കുമ്പോഴും പ്രാര്ത്ഥന നമ്മുടെ ഉള്ളില് നിന്ന് രൂപപ്പെടുന്നില്ലെങ്കില് ആ പ്രാര്ത്ഥന കൊണ്ട് യാതൊരുഫലവും ഉണ്ടാകുകയില്ല. പലപ്പോഴും സമയക്കൂടുതലാണ് പ്രാര്ത്ഥനകളുടെ ആത്മാര്ത്ഥത നഷ്ടപ്പെടുത്തുന്നത്. അതുകൊണ്ട് ഈ പ്രാര്ത്ഥന ഏറെ ഉപകാരപ്രദമാണ്.
ഇനി ഏതാണ് ഈ പ്രാര്ത്ഥനയെന്നല്ലേ, ഒരു ദിവസത്തിന്റെ പല മണിക്കൂറുകളില് സാധിക്കുന്നത്ര തവണ ഇങ്ങനെ പറയുക,
ഈശോയേ ഞാന് അങ്ങയെ സ്നേഹിക്കുന്നു, ജീസസ് ഐ ലവ് യൂ. ഇനി ഒരു ദിവസം ഏതെങ്കിലുമൊക്കെ നന്മകള് അനുഭവിക്കുമ്പോള് ഇങ്ങനെ പറയുക താങ്ക്യൂ ജീസസ്, നന്ദി ഈശോയേ, അതുപോലെ ദൈവേഷ്ടത്തിന് വിരുദ്ധമായി എന്തെങ്കിലും ചെയ്തുകഴിയുമ്പോള് ഇങ്ങനെ പറയുക ഈശോയേ ക്ഷമിക്കണമേ.. ഈശോയേ സോറി.
എന്തു നിസ്സാരമായ പ്രാര്ത്ഥന അല്ലേ? ഈ പ്രാര്ത്ഥന നമ്മുടെ ആത്മീയജീവിതത്തിന്റെ അടിത്തറയായി മാറട്ടെ. ദിവസം മുഴുവന് നമുക്ക് ഇങ്ങനെ പറഞ്ഞുകൊണ്ടേയിരിക്കാം. ഈശോയേ ഞാന് അങ്ങയെ സ്നേഹിക്കുന്നു. ഈശോയേ എന്നോട് ക്ഷമിക്കണമേ, ഈശോയേ നന്ദി…
