സ്വര്‍ഗ്ഗാരോപിതയാകും മുമ്പേ പരിശുദ്ധ മറിയത്തിന്റെ ബൈ ലൊക്കേഷന്‍

സ്‌പെയ്‌നിലേക്ക് യാത്ര ചെയ്യുകയായിരുന്നു അപ്പസ്‌തോലനായ വിശുദ്ധ ജെയിംസ്. അവിടെ വച്ച് ജെയിംസിന് പരിശുദ്ധ ദൈവമാതാവിന്റെ ദര്‍ശനമുണ്ടായി. സ്വര്‍ഗ്ഗാരോപണത്തിന് മുമ്പേ പരിശുദ്ധ മറിയം നല്കിയ ആദ്യത്തെ പ്രത്യക്ഷീകരണം ഇതായിരുന്നു. ബൈലൊക്കേഷന്‍ ആയിട്ടാണ് ഈ ദര്‍ശനത്തെ കരുതിപ്പോരുന്നത്. (ഒരേ സമയം രണ്ടിടങ്ങളില്‍ പ്രത്യക്ഷപ്പെടാനുള്ള സിദ്ധിയാണ് ബൈലൊക്കേഷന്‍.)

കാരണം ഈ സമയം മാതാവ് വിശുദ്ധ യോഹന്നാന് ഒപ്പം ഭൂമിയില്‍ തന്നെ ജീവിക്കുകയായിരുന്നു. മാതാവിന്റെ ആദ്യത്തെ പ്രത്യക്ഷീകരണം നടന്ന സ്ഥലം എന്ന ഖ്യാതി സ്‌പെയ്‌നിലെ സരാഗോസക്ക് ലഭിച്ചത് ഇങ്ങനെയാണ്. ഔര്‍ ലേഡി ഓഫ് പില്ലര്‍ എന്നാണ് ഈ മാതാവ് അറിയപ്പെടുന്നത്.

സ്വര്‍ഗ്ഗാരോപണത്തിന് ശേഷം മാത്രമാണ് മാതാവിന്റെ പിന്നീടുള്ള ദര്‍ശനങ്ങളെല്ലാം തന്നെ നടന്നിട്ടുള്ളത്.
ക്രിസ്തുവിന്റെ പുനരുത്ഥാനത്തിന് ശേഷം എഡി 40 ല്‍ ആണ് ഈ പ്രത്യക്ഷീകരണം നടന്നതെന്ന് വിശ്വസിക്കപ്പെടുന്നു. എബ്രോ നദിക്കരയില്‍ പ്രാര്‍ത്ഥനാനിരതനായിരുന്ന ജെയിംസിന്റെ മുമ്പില്‍ ഒരു പ്രകാശവലയം രൂപപ്പെടുകയും അവിടെ അനേകം മാലാഖമാരാല്‍ അകമ്പടി സേവിച്ചു പരിശുദ്ധ മറിയം പ്രത്യക്ഷപ്പെടുകയുമായിരുന്നു.

പ്രത്യക്ഷപ്പെട്ട സ്ഥലത്ത് ഒരു ദേവാലയം നിര്‍മ്മിക്കാനും മാതാവ് ആവശ്യപ്പെട്ടു. ജയിംസ് ആ കല്പന ശിരസാ വഹിക്കുകയും പിന്നീട് കാലാന്തരങ്ങളിലൂടെ പലപല പുതുക്കലുകളിലൂടെയും ആ ദേവാലയം ഇന്നത്തെ ഔര്‍ ലേഡി ഓഫ് ദ പില്ലര്‍ ബസിലിക്കയായി പരിണമിക്കുകയും ചെയ്തു.



മരിയന്‍ പത്രത്തിന്‍റെ ഉള്ളടക്കത്തെക്കുറിച്ചുള്ള വ്യക്തിപരമായ വിമര്‍ശനങ്ങളും വിലയിരുത്തലുകളും നിങ്ങള്‍ക്ക് താഴെ രേഖപ്പെടുത്താവുന്നതാണ്. അഭിപ്രായങ്ങള്‍ മാന്യവും സഭ്യവും ആയിരിക്കാന്‍ ശ്രദ്ധിക്കുമല്ലോ. വ്യക്തിപരമായ അഭിപ്രായപ്രകടനങ്ങളുടെ മേല്‍ മരിയന്‍ പത്രത്തിന് ഉത്തരവാദിത്തം ഉണ്ടായിരിക്കുകയില്ല.

Leave A Reply

Your email address will not be published.