ദിവ്യബലി അര്‍പ്പിച്ച് പളളിയില്‍ നിന്നിറങ്ങിയ വൈദികന്‍ ഓട്ടോറിക്ഷാ ദേഹത്തേക്ക് വീണ് മരണമടഞ്ഞു


കൊല്ലം: വിശുദ്ധ ബലി അര്‍പ്പിച്ച് പള്ളിയില്‍ നിന്നിറങ്ങിയ വൈദികന്‍ ഓട്ടോ റിക്ഷാ ദേഹത്തേക്ക് വീണ് മരണമടഞ്ഞു. ഫാ. തോമസ് കിഴക്കേനെല്ലിക്കുന്നേലാണ് മരണമടഞ്ഞത്. സലേഷ്യന്‍ സഭാംഗമാണ്.

കൊല്ലം തോപ്പ് സെന്റ് സ്റ്റീഫന്‍സ് ദേവാലയത്തിന് സമീപമായിരുന്നു സംഭവം. ബെന്‍സിഗര്‍ ആശുപത്രിയില്‍ ദിവ്യബലി അര്‍പ്പിക്കാന്‍ പോകുന്നതിനായി ഓട്ടോ റിക്ഷാ കാത്തുനില്ക്കുകയായിരുന്ന അദ്ദേഹം ഓട്ടോറിക്ഷാക്ക് കൈ കാണിക്കുകയും അമിതവേഗത്തില്‍ വന്ന ഓട്ടോ പെട്ടെന്ന് നിര്‍ത്തിയതുകൊണ്ട് നിയന്ത്രണം വിട്ട് അച്ചന്റെ ദേഹത്തേക്ക് വീഴുകയുമായിരുന്നു. ഉടന്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.

65 കാരനായ ഫാ. തോമസ് കോട്ടയം കടപ്ലാമറ്റം സ്വദേശിയാണ്. സംസ്‌കാരം 11 ന് രാവിലെ 10.30 ന് മണ്ണുത്തി ഡോണ്‍ ബോസ്‌ക്കോ ഭവനില്‍



മരിയന്‍ പത്രത്തിന്‍റെ ഉള്ളടക്കത്തെക്കുറിച്ചുള്ള വ്യക്തിപരമായ വിമര്‍ശനങ്ങളും വിലയിരുത്തലുകളും നിങ്ങള്‍ക്ക് താഴെ രേഖപ്പെടുത്താവുന്നതാണ്. അഭിപ്രായങ്ങള്‍ മാന്യവും സഭ്യവും ആയിരിക്കാന്‍ ശ്രദ്ധിക്കുമല്ലോ. വ്യക്തിപരമായ അഭിപ്രായപ്രകടനങ്ങളുടെ മേല്‍ മരിയന്‍ പത്രത്തിന് ഉത്തരവാദിത്തം ഉണ്ടായിരിക്കുകയില്ല.

Leave A Reply

Your email address will not be published.