വാഷിംങ്ടണ്‍ ഡിസി: ദിവ്യകാരുണ്യത്തെക്കുറിച്ചുള്ള ഡോക്യുമെന്ററിക്ക് ഫ്രാന്‍സിസ് മാര്‍പാപ്പയുടെ പ്രശംസയും ആശംസയും.
എലൈവ് വൂ ഈസ് ദെയര്‍ എന്ന ഡോക്യുമെന്ററിക്കാണ് പാപ്പായുടെ പ്രശംസ. യുഎസിലെ തിയറ്ററുകളില്‍ ഒറ്റദിവസത്തേക്ക് മാത്രമായിട്ടാണ് ഡോക്യുമെന്ററി പ്രദര്‍ശനത്തിനെത്തിയത്. ദിവ്യകാരുണ്യത്തിലെ ഈശോയുടെ സാന്നിധ്യം ജീവിതത്തില്‍ അത്ഭുതകരമായ മാറ്റങ്ങള്‍ക്ക് കാരണമായ അഞ്ചു വ്യക്തികളുടെ കഥയാണ് ഈ ഡോക്യുമെന്ററി പറയുന്നത്.
യുഎസിലെ 700 തീയറ്ററുകളില്‍ ഇന്നലെയാണ് ചിത്രം പ്രദര്‍ശനത്തിനെത്തിയത്. ഹക്കുന മൂവ് മെന്റിന്റെ ഭാഗമായിട്ടാണ് ഡോക്ടുമെന്ററി നിര്‍മ്മിച്ചിരിക്കുന്നത്. ഈ ഗ്രൂപ്പിനെയും ഇതിന്റെ സ്ഥാപകനായ ഫാ.. ജോസിനെയും വീഡിയോ സന്ദേശത്തില്‍ പാപ്പ പ്രശംസിച്ചു.
നിങ്ങള്‍ നിങ്ങളുടെ ക്രിയാത്മകത പാഴാക്കരുത്. ദൈവം നിങ്ങളെ അനുഗ്രഹിക്കുകയും മാതാവ് നിങ്ങളെ സംരക്ഷിക്കുകയും ചെയ്യട്ടെ. എനിക്കുവേണ്ടിയും പ്രാര്‍ത്ഥിക്കുക. പാപ്പ വീഡിയോയില്‍ പറഞ്ഞു.
