പാപ്പ- മോദി കൂടിക്കാഴ്ച അനിശ്ചിതത്വത്തില്‍

വത്തിക്കാന്‍ സിറ്റി: പ്രധാനമന്ത്രി നരേന്ദ്രമോദിയും ഫ്രാന്‍സിസ് മാര്‍പാപ്പയും തമ്മില്‍ വെള്ളിയാഴ്ച കൂടിക്കാഴ്ച നടക്കുമോയെന്ന കാര്യം അനിശ്ചിതത്വത്തില്‍. ഇരുവരും തമ്മില്‍ വെള്ളിയാഴ്ച കൂടിക്കാഴ്ച നടത്തുമെന്നായിരുന്നു മാധ്യമങ്ങള്‍ നേരത്തെ റിപ്പോര്‍ട്ട് ചെയ്തിരുന്നത്.

എന്നാല്‍ ഈ കൂടിക്കാഴ്ചയെക്കുറിച്ച് ഇതുവരെ വിദേശകാര്യമന്ത്രാലയം യാതൊരുതരത്തിലുള്ള പ്രതികരണവും നടത്തിയിട്ടില്ല എന്നതാണ് വാസ്തവം. കണ്ടുമുട്ടുമെന്നോ ഇല്ലെന്നോ മന്ത്രാലയം വ്യക്തമാക്കിയിട്ടില്ല. ഈ മൗനമാണ് കൂടിക്കാഴ്ചയെ സംബന്ധിച്ച് സംശയത്തിന് ഇടവരുത്തിയിരിക്കുന്നത്. റോമില്‍ ജി 20 ഉച്ചകോടിയില്‍ പങ്കെടുക്കാന്‍ വേണ്ടിയാണ് പ്രധാനമന്ത്രിയുടെ വിദേശയാത്ര. വെള്ളിയാഴ്ച മുതല്‍ നവംബര്‍ രണ്ടുവരെയാണ് സന്ദര്‍ശനതീയതികള്‍.

ഇറ്റലി ആതിഥേയത്വം വഹിക്കുന്ന ജി 20 ഉച്ചകോടി 30,31 തീയതികളിലാണ് നടക്കുന്നത്.



മരിയന്‍ പത്രത്തിന്‍റെ ഉള്ളടക്കത്തെക്കുറിച്ചുള്ള വ്യക്തിപരമായ വിമര്‍ശനങ്ങളും വിലയിരുത്തലുകളും നിങ്ങള്‍ക്ക് താഴെ രേഖപ്പെടുത്താവുന്നതാണ്. അഭിപ്രായങ്ങള്‍ മാന്യവും സഭ്യവും ആയിരിക്കാന്‍ ശ്രദ്ധിക്കുമല്ലോ. വ്യക്തിപരമായ അഭിപ്രായപ്രകടനങ്ങളുടെ മേല്‍ മരിയന്‍ പത്രത്തിന് ഉത്തരവാദിത്തം ഉണ്ടായിരിക്കുകയില്ല.
Leave A Reply

Your email address will not be published.