വാഷിംങ്ടണ്‍ ഡിസി: ക്രൈസ്തവര്‍ക്കൊരു സന്തോഷവാര്‍ത്ത. അടുത്ത 40 വര്‍ഷത്തിനുള്ളില്‍ ലോകത്ത് ഏറ്റവും കൂടുതല്‍ ക്രൈസ്തവരുള്ള ആദ്യ പത്ത് രാജ്യങ്ങളില്‍ ആറു രാജ്യങ്ങളും ആഫ്രിക്കയില്‍ നിന്നായിരിക്കുമത്രെ. പ്യൂ റിസര്‍ച്ച് സെന്റര്‍ പുറത്തുവിട്ട പുതിയ സര്‍വ്വേയിലാണ് ഈ ഫലം പുറത്തുവന്നിരിക്കുന്നത്.
എന്നാല്‍ യൂറോപ്പില്‍ ക്രൈസ്തവജനസംഖ്യയില്‍ കുറവുണ്ടായേക്കാമെന്നാണ് സര്‍വ്വേ. ആഗോള പൊതു ജനസംഖ്യാ വര്‍ദ്ധനവിന് ആനുപാതികമായിട്ടാണ് ആഫ്രിക്കയിലെ ക്രൈസ്തവ ജനസംഖ്യയില്‍ വര്‍ദ്ധനവുണ്ടായിരിക്കുന്നത്.
ഇപ്പോള്‍ തന്നെ ആഫ്രിക്കന്‍ ഭൂഖണ്ഡത്തിലാണ് ഏറ്റവും കൂടുതല്‍ ക്രൈസ്തവരുള്ളത്. അതില്‍ ഏറ്റവും കൂടുതല്‍ ക്രൈസ്തവരുള്ളത് നൈജീരിയായിലാണ്.
