ന്യൂഡല്ഹി: മതപരിവര്ത്തനമല്ല നിര്ബന്ധിത മതപരിവര്ത്തനമാണ് നിരോധിച്ചിരിക്കുന്നതെന്ന് ഡല്ഹി ഹൈക്കോടതി. ഓരോരുത്തര്ക്കും അവരവര്ക്ക് ഇഷ്ടപ്പെട്ട മതം തിരഞ്ഞെടുക്കാനും ആചാരാനുഷ്ഠാനങ്ങള് നടത്താനും ഭരണഘടനാപരമായ അവകാശമുണ്ട് മതപരിവര്ത്തനം നിയമം കൊണ്ട് നിരോധിച്ചിട്ടില്ല. എന്നാല് നിര്ബന്ധിത മതപരിവര്ത്തനം നിയമത്തിന് എതിരാണ്. ജസ്റ്റീസ് സഞ്ജയ് സച്ച്ദേവ ചൂണ്ടിക്കാട്ടി.
നിര്ബന്ധിത മതപരിവര്ത്തനം തടയാന് കേന്ദ്രവും ഡല്ഹി സര്ക്കാരും പ്രത്യേക നിയമം കൊണ്ടുവരണമെന്ന് ആവശ്യപ്പെട്ട് അഭിഭാഷകന് അ്ശ്വനി ഉപാധ്യായ സമര്പ്പിച്ച ഹര്ജിയിലാണ് ജസ്റ്റീസ് സഞ്ജയ് സച്ചിദേവയുടെ സുപ്രധാന നിരീക്ഷണം.
മതപരിവര്ത്തനം നിയമത്താല് നിരോധിച്ചിട്ടില്ലെന്നും എന്നാല് നിര്ബന്ധിത മതപരിവര്ത്തനം നിയമവിരുദ്ധമാണെന്നും കോടതി വ്യക്തമാക്കി.
