ജുബ: ഇസ്ലാം മതം ഉപേക്ഷിച്ച് ക്രിസ്്തുമതം സ്വീകരിച്ച വീട്ടമ്മയെ ഭര്‍ത്താവ് തുടലില്‍ പൂട്ടിയിട്ടു. മാത്രവുമല്ല മനോരോഗിയാണെന്ന് മുദ്ര കുത്തി ഷോക്ക് ട്രീറ്റ്‌മെന്റും നല്കി. സൗത്ത് സുഡാനിലാണ് സംഭവം.
നാലു കുട്ടികളുടെ അമ്മയും 27 കാരിയുമായ അവാറ്റിഫ് അബ്ദല്ലയ്ക്കാണ് ഈ ദുര്യോഗമുണ്ടായത്. ജനുവരി 27 നാണ് ഈ വീട്ടമ്മ ക്രിസ്തുമതം സ്വീകരിച്ചത്. ക്രിസ്തുവിലൂടെ മാത്രമാണ് രക്ഷയുള്ളത് എന്ന ബന്ധുവിന്റെ വാക്കുകളാണ് ക്രിസ്തുമതം സ്വീകരിക്കാന്‍ ഈ വീട്ടമ്മയെ പ്രേരിപ്പിച്ചത്.
പിന്നീട് ഏതാനും ദിവസങ്ങള്‍ക്ക് ശേഷം ക്രിസ്തുവിനെ ഇവര്‍ സ്വപ്‌നത്തില്‍ കാണുകയും ഇക്കാര്യം ബന്ധുക്കളെ അറിയിക്കുകയും ചെയ്തു.തുടര്‍ന്ന് വിശ്വാസം ഉപേക്ഷിക്കാന്‍ ഭര്‍ത്താവ് നിര്‍ബന്ധിച്ചു. വിസമ്മതിച്ച വീട്ടമ്മയെ ഭര്‍ത്താവ് പൂട്ടിയിടുകയും മനോരോഗിയായി മുദ്രകുത്തുകയുമായിരുന്നു.
ക്രൈസ്തവരില്‍ നിന്നുപോലും അബാദല്ലയ്ക്ക് സഹായമോ പിന്തുണയോ ഈ അവസ്ഥയില്‍ കിട്ടുന്നില്ല എന്നതാണ് വാസ്തവം. ക്രിസ്ത്യാനിയായി ജീവിക്കുന്നതില്‍ ഏറ്റവും ദുഷ്‌ക്കരമായ രാജ്യങ്ങളുടെ പട്ടികയില്‍ പത്താം സ്ഥാനത്താണ് സുഡാന്‍.
