ന്യൂയോര്‍ക്ക്: ഒക്ടോബറില്‍ നടക്കുന്ന ദിവ്യകാരുണ്യകോണ്‍ഗ്രസില്‍ പതിനായിരത്തിലധികം പേര്‍ പങ്കെടുക്കുമെന്ന് വ്യക്തമായി. ഒക്ടോബര്‍ 20-22 തീയതികളിലാണ് ദിവ്യകാരുണ്യകോണ്‍ഗ്രസ് നടക്കുന്നത്. അമേരിക്കന്‍ സ്വദേശിനിയായ വിശുദ്ധ കറ്റേറി തെക്ക്വിത്തയുടെ ജനനസ്ഥലത്താണ് കോണ്‍ഗ്രസ് നടക്കുന്നത്.
ഇത് തങ്ങളെ സംബന്ധിച്ചിടത്തോളം അതിശയകരമായ സമയമാണെന്നും ക്രിസ്തുവിലുള്ള വിശ്വാസം പുതുക്കാനും ആ വിശ്വാസം മറ്റുള്ളവരുമായി പങ്കുവയ്ക്കാന്‍ വേണ്ടിയുള്ളതാണെന്നും ബിഷപ് എഡ്വേര്‍ഡ് അഭിപ്രായപ്പെട്ടു.
യുഎസ് കോണ്‍ഫ്രന്‍സ് ഓഫ് കാത്തലിക് ബിഷപ്‌സ് യൂക്കരിസ്റ്റിക് റിവൈവലിന്റെ ഭാഗമായാണ് കോണ്‍ഗ്രസ് നടക്കുന്നത്. ദിവ്യകാരുണ്യത്തോടുള്ള ഭക്തി വര്‍ദ്ധിപ്പിക്കുക എന്നതാണ് ഇതിന്റെ ലക്ഷ്യം.
