തൃശൂര്: മാര് ജേക്കബ് തൂങ്കുഴിയുടെ മെത്രാഭിഷേക സുവര്ണ്ണജൂബിലി ആഘോഷങ്ങള് സമാപിച്ചു. മാര് ജേക്കബ് തൂങ്കുഴിയുടെ ജന്മനാടായ പാലായില് നിന്ന് കൊണ്ടുവന്ന ഏലയ്ക്കാ മാല കര്ദിനാള് മാര് ജോര്ജ് ആലഞ്ചേരി അദ്ദേഹത്തെ അണിയിച്ചു. തൃശൂര് അതിരൂപതയുടെ ഉപഹാരം മാര് ആന്ഡ്രൂസ് താഴത്ത് കൈമാറി.
സുവര്ണ്ണജൂബിലി ആഘോഷങ്ങളുടെ സമാപനവും തൃശൂര് രൂപതാദിനവും മാര് ആലഞ്ചേരി ഉദ്ഘാടനം ചെയ്തു. സമ്മേളനത്തില് മാര് ആന്ഡ്രൂസ് താഴത്ത് അധ്യക്ഷത വഹിച്ചു.
വ്യക്തിപരമായ പ്രാര്ത്ഥനയ്ക്ക് കൂടുതല് സമയം കണ്ടെത്തുന്ന ആളാണ് മാര് ജേക്കബ് തൂങ്കുഴിയെന്നും പ്രാര്ത്ഥനയിലൂടെ മറ്റുള്ളവരെ അദ്ദേഹം ശക്തിപ്പെടുത്താറുണ്ടെന്നും മാര് ആലഞ്ചേരി പറഞ്ഞു.
