വത്തിക്കാന്‍ സിറ്റി; ലെയോ പതിനാലാമന്‍ പാപ്പയുടെ ലാറ്റിന്‍ അമേരിക്കന്‍ പര്യടനം നാളെ- നവംബര്‍ ആറു- മുതല്‍. ഇത് ലെയോ പാപ്പയുടെ ആറാമത് അപ്പസ്‌തോലിക് യാത്രയാണ്. തെക്കേ അമേരിക്കന്‍ ഭൂഖണ്ഡത്തിലെ മൂന്നു രാജ്യങ്ങളായ ഉറുഗ്വേ, അര്‍ജന്റീന, പെറു എന്നീ രാജ്യങ്ങളാണ് പാപ്പ സന്ദര്‍ശിക്കുന്നത്. തന്റെ പ്രിയപ്പെട്ട രൂപത എന്നാണ് പാപ്പ പെറുവിനെ വിശേഷിപ്പിക്കുന്നത്. കാരണം മിഷനറി വൈദികനായും മിഷനറി മെത്രാനായും റോബര്‍ട്ട് പ്രിവോസ്റ്റ് ഇവിടെ ജീവിച്ചിട്ടുണ്ട്. അതുകൊണ്ടുതന്നെ സ്വന്തം വീട്ടിലേക്ക് ചെല്ലുന്ന പ്രതീതിയാണ് പാപ്പയ്ക്ക് പെറു സന്ദര്‍ശനം സമ്മാനിക്കുന്നത്. ലെയോ പാപ്പ സന്ദര്‍ശിക്കുന്ന രാജ്യമായ അര്‍ജന്റീനയ്ക്ക് ഭാഗ്യസ്മരണാര്‍ഹനായ ഫ്രാന്‍സിസ്പാപ്പയുടെ ജന്മദേശം എന്ന പ്രത്യേകത കൂടിയുണ്ട്. മൂന്നു രാജ്യങ്ങളും പാപ്പയുടെ വരവിനുവേണ്ടി ആകാംക്ഷാപൂര്‍വ്വം കാത്തിരിക്കുകയാണ്. കാന്‍സര്‍രോഗബാധയെതുടര്‍ന്ന് ശസ്ത്രക്രിയയ്ക്ക് വിധേയനായ പാപ്പ അതെല്ലാം അവഗണിച്ചുകൊണ്ടാണ് ഈ അപ്പസ്‌തോലികപര്യടനം നടത്തുന്നത് എന്നതുതന്നെ അദ്ദേഹം ഈ യാത്രയ്ക്ക് നല്കുന്ന പ്രാധാന്യം വ്യക്തമാക്കുന്നു.
