ജോര്ജിയ: മുന് അമേരിക്കന് പ്രസിഡന്റും നോബൈല് സമ്മാന ജേതാവുമായ ജിമ്മി കാര്ട്ടര് ഈ മാസം തന്നെ രണ്ടാം തവണയും വീണ് പരിക്കേറ്റതിനാല് അടുത്ത ഞായറാഴ്ച വേദപാഠക്ലാസെടുക്കാന് അദ്ദേഹം വരില്ലെന്ന് മാറാനാത്ത ബാപ്റ്റിസ്റ്റ് ചര്ച്ചിന്റെ അറിയിപ്പ് പറയുന്നു. എന്നാല് അദ്ദേഹത്തിന് പകരം അനന്തിരവള് കിം ഫുള്ളര് ക്ലാസെടുക്കുമെന്നും അമ്മാവനില് നിന്ന് പ്രചോദനം സ്വീകരിച്ച് സന്ദേശം നല്കുമെന്നും പത്രക്കുറിപ്പ് തുടര്ന്ന് പറയുന്നു. പ്രസിഡന്റ് കാര്ട്ടറിനു വേണ്ടി പ്രാര്ത്ഥിക്കണമെന്ന് അഭ്യര്ത്ഥിച്ചുകൊണ്ടാണ് കുറിപ്പ് അവസാനിപ്പിച്ചിരിക്കുന്നത്.
കഴിഞ്ഞ ഏതാനും വര്ഷങ്ങളായി ഇവിടെത്തെ വേദപാഠക്ലാസു നയിച്ചിരുന്നത് ജിമ്മി കാര്ട്ടറായിരുന്നു. 1977 മുതല് 1981 വരെയായിരുന്നു ജിമ്മി കാര്ട്ടറുടെ ഭരണകാലം.2002 ല് സമാധാനത്തിനുള്ള നോബൈല് സമ്മാനവും ഇദ്ദേഹത്തിനായിരുന്നു. മനുഷ്യാവകാശങ്ങള്ക്ക് വേണ്ടിയുള്ള പോരാട്ടങ്ങളുടെ പേരിലായിരുന്നു അത്.
പെല്വിക് ഫ്രാക്ച്ചര് മൂലം കഴിഞ്ഞ ആഴ്ചയാണ് കാര്ട്ടര് ആശുപത്രിയില് പ്രവേശിപ്പിക്കപ്പെട്ടത്.
