കൊച്ചി: ഏതെങ്കിലും രൂപതയിലോ സന്യാസസമൂഹത്തിലോ ചേരാന് ആഗ്രഹിക്കുന്നവരെ മറ്റ് രൂപതയിലേക്കോ സന്യാസസമൂഹത്തിലേക്കോ ചേരാന് നിര്ബന്ധിക്കരുതെന്ന് സീറോ മലബാര് സഭയിലെ ദൈവവിളി പ്രോത്സാഹനത്തിനുള്ള പുതിയ മാര്ഗ്ഗരേഖ. ദൈവവിളി പ്രവര്ത്തനം ഏകോപിപ്പിക്കാനും പ്രോത്സാഹിപ്പിക്കാനുമായി സീറോ മലബാര് സഭയുടെ ദൈവവിളി കമ്മീഷന് പുറത്തിറക്കിയ പുതിയ മാര്ഗ്ഗരേഖയിലാണ് ഇക്കാര്യം പറയുന്നത്.
രൂപതകള്ക്കും സന്യാസസമൂഹങ്ങള്ക്കുമായി വിദഗ്ദരുടെ പഠനങ്ങളുടെയും കൂടിയാലോചനകളുടെയും അടിസ്ഥാനത്തിലാണ മാര്ഗ്ഗരേഖ തയ്യാറാക്കിയിരിക്കുന്നത്. മാര്ഗ്ഗരേഖയിലെ പ്രധാന കാര്യങ്ങള് ഇവയാണ്.
സഭയുടെ പൊതുവായ ആവശ്യമെന്ന നിലയില് ദൈവവിളിസംബന്ധമായ പ്രവര്ത്തനങ്ങളെ വിശാലമായ കാഴ്ചപ്പാടോടെ സമീപിക്കണം.
രൂപതയുടെയോ സന്യാസസമൂഹത്തിന്റെയോ ഭാഗമായി വൈദിക സന്യസ്ത സമര്പ്പിത പരിശീലനം നടത്താനുള്ള പരിശീലനാര്ത്ഥികളുടെ താല്പര്യവും സ്വാതന്ത്ര്യവും മാനിക്കപ്പെടണം.
സഭയിലെ വിശ്വാസിസമൂഹത്തിന് മുഴുവന് ദൈവവിളി പ്രോത്സാഹനത്തില് കൂട്ടുത്തരവാദിത്തമുണ്ട്.
