ഷാര്‍ജ: സെന്റ് മൈക്കിള്‍സ് ദേവാലയത്തിലെ സ്പരിച്വല്‍ ഡയറക്ടര്‍ ഫാ. യൂസഫ് സമി യൂസഫ് കോവിഡ് ബാധയെ തുടര്‍ന്ന് നിര്യാതനായി. 63 വയസായിരുന്നു. ലബനീസ് സ്വദേശിയായ ഇദ്ദേഹം കപ്പൂച്ചിന്‍ സഭാംഗമാണ്.
ഇന്നലെ രാത്രി ഏഴു മണിക്ക് ബിഷപ് പോള്‍ ഹിന്‍ഡറാണ്, ഇദ്ദേഹത്തിന്റെ മരണം ഔദ്യോഗികമായി പ്രഖ്യാപിച്ചത്.
യുഎഇയില്‍ കോവിഡ് ബാധയെ തുടര്‍ന്ന് മരണമടഞ്ഞ ആദ്യത്തെ കത്തോലിക്കാ വൈദികനാണ് ഫാ.യൂസഫ്. ഇരുപതുവര്‍ഷമായി ഗള്‍ഫിലെ വിവിധ സ്ഥലങ്ങളില്‍ സേവനം ചെയ്തുവരികയായിരുന്നു.
2013 ല്‍ ഇദ്ദേഹത്തിന്റെ പൗരോഹിത്യത്തിന്റെ ഇരുപത്തിയഞ്ചാം വാര്‍ഷികമായിരുന്നു.
