സിഡ്‌നി: സിഡ്‌നി അതിരൂപത പുറത്തുവിട്ട ഒരു വീഡിയോയാണ് ഇപ്പോള്‍ വൈറലായി മാറിയിരിക്കുന്നത്. മഴയത്ത് കുട നിവര്‍ത്തിപിടിച്ച് മുട്ടിന്മേല്‍ നിന്ന്ജപമാല ചൊല്ലി പ്രാര്‍ത്ഥിക്കുന്ന പുരുഷന്മാരുടെ വീഡിയോയാണ് ഇത്. സിഡ്‌നിയിലെ സെന്റ് മേരീസ് കത്തീഡ്രലാണ് വേദി.
പ്രതികൂല കാലാവസ്ഥയെപോലും മറികടന്ന് ജപമാല ചൊല്ലുന്ന ഈ പുരുഷന്മാര്‍ വിശ്വാസത്തിന്റെ പ്രതീകങ്ങളെന്നാണ് സോഷ്യല്‍ മീഡിയായില്‍ പൊതുവെ വിശേഷിപ്പിക്കപ്പെടുന്നത്. ഒരു മണിക്കൂറോളം നീണ്ടതായിരുന്നു ജപമാല പ്രാര്‍ത്ഥന.
പരിശുദ്ധ കന്യക ഇവരുടെ പ്രാര്‍ത്ഥനാനിയോഗങ്ങള്‍ എന്തായാലും കേട്ടിട്ടുണ്ടാവുമെന്ന് വളരെയധികംപേര്‍ വീഡിയോയ്ക്ക് താഴെ കുറിച്ചു.
