ന്യൂഡല്‍ഹി: മറിയം ത്രേസ്യായെ വിശുദ്ധയായി പ്രഖ്യാപിക്കാനുള്ള തീരുമാനം ഓരോ ഇന്ത്യക്കാരനും അഭിമാനകരമാണെന്ന് പ്രധാനമന്ത്രി നരേന്ദ്രമോദി. പ്രതിമാസ മന്‍കി ബാത്ത് പരിപാടിയിലാണ് മോദി മറിയം ത്രേസ്യയ്ക്ക് ആദരമര്‍പ്പിച്ച് സംസാരിച്ചത്.
മറിയം ത്രേസ്യക്ക് ഹൃദയപൂര്‍വ്വമായ ആദരമര്‍പ്പിക്കുന്നതിനൊപ്പം ഈ അഭിമാനമുഹൂര്‍ത്തത്തില്‍ രാജ്യത്തെ എല്ലാ പൗരന്മാരെയും പ്രത്യേകിച്ച് ക്രൈസ്തവ സഹോദരിസഹോദരന്മാരെയും അഭിനന്ദിക്കുന്നതായി പ്രധാന മന്ത്രി പറഞ്ഞു.
ഒക്ടോബര്‍ 13 നാണ് ഫ്രാന്‍സിസ് മാര്‍പാപ്പ മറിയം ത്രേസ്യായെ വിശുദ്ധ പദവിയിലേക്ക് ഉയര്‍ത്തുന്നത്. വത്തിക്കാനില്‍ നടക്കുന്ന ഈ ചടങ്ങിന് വേണ്ടി പ്രാര്‍തഥനാപൂര്‍വ്വം കാത്തിരിക്കുകയാണ് മറിയം ത്രേസ്യ സ്ഥാപിച്ച ഹോളിഫാമിലി സന്യാസിനി സമൂഹാംഗങ്ങളും വിശ്വാസികളും.
