വത്തിക്കാന്‍ സിറ്റി: വിശുദ്ധ കുര്‍ബാനയ്ക്കിടയില്‍ കുഞ്ഞുങ്ങള്‍ കരയുന്നത് മനോഹരമായ അനുഭവമാണെന്ന് ഫ്രാന്‍സിസ് മാര്‍പാപ്പ. സിസ്റ്റൈന്‍ ചാപ്പലില്‍ 32 കുഞ്ഞുങ്ങളുടെ മാമ്മോദീസാ നല്കുന്ന വേളയിലാണ് പാപ്പ ഇങ്ങനെ പറഞ്ഞത്.
കുഞ്ഞുങ്ങള്‍ കുര്‍ബാനയ്ക്കിടയില്‍ കരയുമ്പോള്‍ മാതാപിതാക്കള്‍ വിഷമിക്കേണ്ടതില്ലെന്നും പാപ്പ പറഞ്ഞു. കു#ഞ്ഞുങ്ങള്‍ കുര്‍ബാനയ്ക്കിടയില്‍ കരയുന്നത് മനോഹരമായ ഹോമിലിയാണ്.
പതിനേഴ് ആണ്‍കുട്ടികളെയും പതിനഞ്ച് പെണ്‍കുട്ടികളെയുമാണ് പാപ്പ മാമ്മോദീസാ മുക്കിയത്. വത്തിക്കാനിലെ ജോലിക്കാരുടെ മക്കളാണ് ഇവര്‍. ഈശോയുടെ ജ്ഞാനസ്‌നാനതിരുനാള്‍ ദിനമായിരുന്നു ഇന്നലെ. ഈ ദിവസം മാമ്മോദീസാ നല്കുന്ന പതിവ് ആരംഭിച്ചത് വിശുദധ ജോണ്‍ പോള്‍ രണ്ടാമന്‍ മാര്‍പാപ്പയായിരുന്നു..
കുട്ടികളെ വിശ്വാസത്തില്‍ വളര്‍ത്തേണ്ടത് കുടുംബമാണെന്ന് ഓര്‍മ്മിപ്പിച്ച പാപ്പ തന്റെ പ്രസംഗം അധികം നീട്ടിക്കൊണ്ടുപോകാനും തയ്യാറായില്ല.
