നൈജീരിയ: തട്ടിക്കൊണ്ടുപോയ കത്തോലിക്കാ വൈദികനെ മരിച്ച നിലയില്‍ കണ്ടെത്തി

നൈജീരിയ: ആയുധധാരികള്‍ തട്ടിക്കൊണ്ടുപോയ കത്തോലിക്കാ വൈദികനെ മരിച്ച നിലയില്‍ കണ്ടെത്തി. ഫാ. ജോണ്‍ ഗബാക്കാനെയാണ് മരിച്ച നിലയില്‍ ശനിയാഴ്ച കണ്ടെത്തിയത്. ജനുവരി 15 നാണ് ഇദ്ദേഹത്തെ ആയുധധാരികള്‍ തട്ടിക്കൊണ്ടുപോയത്.

നൈജീരിയായിലെ മിന്നാ രൂപതയിലെ വൈദികനായ ഇദ്ദേഹം ഇളയ സഹോദരനുമൊത്ത് അമ്മയെ സന്ദര്‍ശിച്ചതിന് ശേഷം മടങ്ങുകയായിരുന്നു. കിഡ്‌നാപ്പേഴ്‌സ് ആദ്യം ആവശ്യപ്പെട്ടത് 30 മില്യന്‍ നൈറയായിരുന്നു. പിന്നീട് അത് അഞ്ച് മില്യനായി കുറച്ചിരുന്നു.. മരത്തോട് ചേര്‍ത്ത് ബന്ധിച്ച നിലയിലാണ് വൈദികന്റെ മൃതദേഹം കണ്ടെത്തിയത്. അദ്ദേഹത്തിന്റെ വാഹനവും കണ്ടെത്തിയിട്ടുണ്ട്.

എന്നാല്‍ സഹോദരനെക്കുറിച്ച് ഇനിയും വിവരമൊന്നും ലഭ്യമായിട്ടില്ല.



മരിയന്‍ പത്രത്തിന്‍റെ ഉള്ളടക്കത്തെക്കുറിച്ചുള്ള വ്യക്തിപരമായ വിമര്‍ശനങ്ങളും വിലയിരുത്തലുകളും നിങ്ങള്‍ക്ക് താഴെ രേഖപ്പെടുത്താവുന്നതാണ്. അഭിപ്രായങ്ങള്‍ മാന്യവും സഭ്യവും ആയിരിക്കാന്‍ ശ്രദ്ധിക്കുമല്ലോ. വ്യക്തിപരമായ അഭിപ്രായപ്രകടനങ്ങളുടെ മേല്‍ മരിയന്‍ പത്രത്തിന് ഉത്തരവാദിത്തം ഉണ്ടായിരിക്കുകയില്ല.

Leave A Reply

Your email address will not be published.