എറണാകുളം: എറണാകുളം-അങ്കമാലി അതിരൂപതയില്‍ പൗരോഹിത്യം സ്വീകരിക്കുന്ന ഡീക്കന്മാര്‍ ഏകീകൃത കുര്‍ബാനയര്‍പ്പണത്തിന് സന്നദ്ധത അറിയിക്കണമെന്നും അ്ങ്ങനെയുള്ളവര്‍ക്ക് മാത്രമാണ് പൗരോഹിത്യസ്വീകരണത്തിനുള്ള അനുമതി നല്കുകയുള്ളൂവെന്നും അപ്പസ്‌തോലിക് അഡ്മിനിസ്‌ട്രേറ്റര്‍ ആര്‍ച്ച് ബിഷപ് മാര്‍ ആന്‍ഡ്രൂസ് താഴത്ത്.
ഏകീകൃത കുര്‍ബാനയര്‍പ്പണത്തിന് തയ്യാറാണെന്ന് രേഖാമൂലം ഡീക്കന്മാര്‍ എഴുതി നല്കണം. ഈ നിര്‍ദ്ദേശം അതിരൂപതയിലെയും സന്യാസസമൂഹങ്ങളിലെയും ഡീക്കന്മാര്‍ക്കാണ് ബാധകമായിരിക്കുന്നത്. അതിരൂപത കൂരിയ, അതിരൂപതയിലെ ഡീക്കന്മാര്‍, മെത്രാന്മാര്‍, സന്യാസസമൂഹങ്ങളുടെ മേജര്‍ സുപ്പീരിയര്‍മാര്‍ തുടങ്ങിയവര്‍ക്ക് ഇത് സംബന്ധിച്ച് മാര്‍ താഴത്ത് കത്ത് നല്കി.
