റോം: സീറോമലബാര്‍ സഭയ്ക്ക് റോം രൂപത കൈമാറിയ സാന്താ അനസ്ത്യാസിയ മൈനര്‍ ബസിലിക്കയുടെ റെക്ടറായി ഫാ. ബാബു പാണാട്ടുപറമ്പില്‍ നിയമിതനായി. റോം രൂപതയില്‍ താമസിക്കുന്ന സീറോ മലബാര്‍ സഭാംഗങ്ങളുടെ ചാപ്ലയിന്റെ ചുമതലയും ഇദ്ദേഹത്തിനുണ്ട്.
Related Posts
തൃശൂര്‍ അതിരൂപതാംഗമാണ്.
1963 ല്‍ പുതുക്കാടാണ് ഫാ. ബാബുവിന്റെ ജനനം. 1981 ല്‍ തൃശൂര്‍ മൈനര്‍ സെമിനാരിയില്‍ ചേര്‍ന്നു. 1990 ല്‍ വൈദികനായി. അതിരൂപത യുത്ത് ഡയറക്ടര്‍, മേരി മാതാ മേജര്‍ സെമിനാരി റെക്ടര്‍, തുടങ്ങിയ വിവിധ നിലകളില്‍ ശുശ്രൂഷ ചെയ്തിട്ടുണ്ട്.
ജൂലൈ 18 നാണ് സാന്താ അനസ്ത്യാസിയ മൈനര്‍ ബസിലിക്ക സീറോ മലബാര്‍ സഭയ്ക്ക് റോം കൈമാറിയത്. സീറോ മലബാര്‍ സഭാംഗങ്ങളുടെ ആത്മീയാവശ്യങ്ങള്‍ നിറവേറ്റുന്നതിന് വേണ്ടിയായിരുന്നു ഇത്.
സെപ്തംബര്‍ ഒന്നിന് ഇദ്ദേഹം പുതിയ ചുമതലയേറ്റെടുക്കും.
