കത്തോലിക്കാ വൈദികനുള്‍പ്പടെ ഏഴു പേര്‍ കൊല്ലപ്പെട്ടു

നൈജീരിയ: നൈജീരിയായിലെ ബെന്യൂ സ്റ്റേറ്റിലെ സെന്റ് പോള്‍സ് കത്തോലിക്കാ ദേവാലയത്തില്‍ തോക്കുധാരി നടത്തിയ ആക്രമണത്തില്‍ കത്തോലിക്കാ വൈദികനും മറ്റ് ആറുപേരും കൊല്ലപ്പെട്ടു. ഇന്നലെയാണ് സംഭവം. ഫാ. ഫെര്‍ഡിനാന്‍ഡ് ഫാനെന്‍ ആണ് കൊല്ലപ്പെട്ടത്.

സെന്റ് പോള്‍ ദേവാലയത്തില്‍ വിശുദ്ധ കുര്‍ബാന അര്‍പ്പിച്ചതിന് ശേഷം വിശുദ്ധവാര ശുശ്രൂഷകള്‍ക്കുള്ള ഒരുക്കം നടത്തിയ വൈദികനെയാണ് വെടിവച്ചത്. കൊളളസംഘമാണ് അക്രമത്തിന് പിന്നിലെന്ന് സംശയിക്കുന്നു. ദേവാലയം ആക്രമിച്ചതിന് ഒപ്പം തന്നെ ഗ്രാമവും കൊള്ളയടിച്ചിട്ടുണ്ട്.

2015 ലാണ് ഫെര്‍ഡിനാന്‍ഡ് വൈദികനായത്. ഏതാനും ദിവസങ്ങള്‍ക്കു മുമ്പാണ് ഒരു കത്തോലിക്കാ വൈദികനെ അക്രമികള്‍ തട്ടിക്കൊണ്ടുപോയതും വിട്ടയച്ചതും. തട്ടിക്കൊണ്ടുപോകലിന്റെ ആഘാതത്തില്‍ നിന്ന് ഇപ്പോഴും വൈദികന്‍ മോചിതനായിട്ടില്ല.



മരിയന്‍ പത്രത്തിന്‍റെ ഉള്ളടക്കത്തെക്കുറിച്ചുള്ള വ്യക്തിപരമായ വിമര്‍ശനങ്ങളും വിലയിരുത്തലുകളും നിങ്ങള്‍ക്ക് താഴെ രേഖപ്പെടുത്താവുന്നതാണ്. അഭിപ്രായങ്ങള്‍ മാന്യവും സഭ്യവും ആയിരിക്കാന്‍ ശ്രദ്ധിക്കുമല്ലോ. വ്യക്തിപരമായ അഭിപ്രായപ്രകടനങ്ങളുടെ മേല്‍ മരിയന്‍ പത്രത്തിന് ഉത്തരവാദിത്തം ഉണ്ടായിരിക്കുകയില്ല.
Leave A Reply

Your email address will not be published.