വത്തിക്കാന് സിറ്റി: ഇന്ന് ഫ്രാന്സിസ് മാര്പാപ്പ നഗരത്തിനും ലോകത്തിനുമായി ഊര്ബി ഏത് ഓര്ബി സന്ദേശവും ആശീര്വാദവും നല്കും. വത്തിക്കാന് സമയം 5.55 നും ഇന്ത്യന് സമയം രാത്രി 10.30 നും ആണ് ഇത്. ദിവ്യകാരുണ്യാരാധന, ആശീര്വാദം, ദൈവവചനപാരായണം എന്നിവ ഇതിന്റെ ഭാഗമാണ്. സെന്റ് പീറ്റേഴ്സ് ബസിലിക്കയിലെ പ്രാര്ത്ഥനയ്ക്കും ദിവ്യകാരുണ്യാരാധനയ്ക്കും ശേഷം ബസിലിക്കയുടെ മട്ടുപ്പാവില് നിന്നാണ് പാപ്പ ആശീര്വാദം നല്കുന്നത്.
കൊറോണ വ്യാപനത്തെ തുടര്ന്ന് വത്തിക്കാനില് ആരും നേരിട്ട് ഈ ശുശ്രൂഷകളില് പങ്കെടുക്കില്ല. എന്നാല് ടിവിയിലൂടെയും മറ്റ് മാധ്യമങ്ങളിലൂടെയും ആളുകള്ക്ക് ഇതില് പങ്കെടുക്കാവുന്നതാണ്.
ഇങ്ങനെ പങ്കെടുക്കുന്നവര്ക്ക് പൂര്ണ്ണ ദണ്ഡവിമോചനവും പരിശുദ്ധ സിംഹാസനം പ്രഖ്യാപിച്ചിട്ടുണ്ട്.
