കാലിഫോര്‍ണിയ: പോമോനാ വാലിയില്‍ പരിശുദ്ധ കന്യാമറിയത്തിന്റെ രണ്ടു രൂപങ്ങള്‍ തല വെട്ടിയ നിലയില്‍ കണ്ടെത്തി. ചിനോയില്‍ വിശുദ്ധ മാര്‍ഗററ്റ് മേരി ദേവാലയത്തിലെ ഫാത്തിമാമാതാവിന്റെ രൂപമാണ് ഏറ്റവും ഒടുവിലായി ആക്രമിക്കപ്പെട്ട നിലയില്‍ കണ്ടെത്തിയത്.
മാര്‍ച്ച് 30 നാണ് ഈ ആക്രമണം നടന്നത്. ഏതൊരു വിശ്വാസിയുടെയും ഹൃദയം തകരത്തക്ക രീതിയിലാണ് മാതാവിന്റെ രൂപത്തിന് നേരെ ആക്രമണം നടന്നിരിക്കുന്നത്. അതുകൊണ്ട് ദേവാലയ അധികൃതര്‍ ഈ രൂപം ഇപ്പോള്‍ മറച്ചുവച്ചിരിക്കുകയാണ്.
ഫെബ്രുവരി 25 നാണ് ഇതിന് മുമ്പ് മാതാവിന്റെ രൂപത്തിന് നേരെ ആക്രമണം നടന്നത്. മോണ്ട് ക്ലെയറിലെ ലൂര്‍ദ്ദ്മാതാവിന്റെ രൂപമാണ് ഇവിടെ തകര്‍ക്കപ്പെട്ടത്. രണ്ട് ആക്രമണങ്ങളുടെയും സ്വഭാവം ഒന്നുപോലെയായതിനാല്‍ അക്രമി ഒരാള്‍ തന്നെയാണ് എന്നാണ് സംശയിക്കുന്നത്.
