വത്തിക്കാന്‍ സിറ്റി: ഒരു സ്ത്രീയെ മുറിവേല്പിക്കുമ്പോള്‍ അത് ഒരു മഹിളയില്‍ നിന്ന് മനുഷ്യപ്രകൃതി സ്വീകരിച്ച ദൈവത്തിന് നേര്‍ക്കുളള മഹാദ്രോഹമാണെന്ന് ഫ്രാന്‍സിസ് മാര്‍പാപ്പ.
അമ്മമാര്‍ ലോകത്തെ നോക്കുന്നത് അതിനെ ചൂഷണ വിധേയമാക്കാനല്ല പ്രത്യുത അതിന് ജീവനുണ്ടാകേണ്ടതിനാണ്. അമ്മയായ സ്ത്രീ ജീവന്‍ നല്കുകയും ലോകത്തെ കാക്കുകയും ചെയ്യുന്നു. അമ്മമാരെ സംരക്ഷിക്കാനും അവരെ പരിപോഷിപ്പിക്കാനും നമുക്ക് കടമയുണ്ട്.
ലക്ഷ്യപ്രാപ്തിക്ക് ഇടുങ്ങിയ വഴി ആവശ്യമാണ്.
കുരിശില്ലാതെ ഉയിര്‍ത്തെഴുന്നേല്പ് സാധ്യമല്ലെന്നാണ് പരിശുദ്ധ കന്യാമറിയം നമ്മെ ഓര്‍മ്മിപ്പിക്കുന്നത്. പ്രതീക്ഷകളും യാഥാര്‍ത്ഥ്യവും തമ്മിലുളള വേദനാജനകമായ സംഘര്‍ഷം വിശ്വാസജീവിതത്തില്‍ ഉണ്ടാകുമെന്നും കഠിനപരീക്ഷണത്തിന്റെ പാതയിലൂടെ സഞ്ചരിക്കേണ്ടിവരുമ്പോള്‍ അത് അനുഭവവേദ്യമാകുമെന്നും പാപ്പ വ്യക്തമാക്കി.
പുല്‍ക്കൂട്ടില്‍ പിറന്നുവീണ യേശു നമുക്ക് ഭക്ഷണമായിത്തീരും എന്നതിന്റെ മുന്‍കൂട്ടിയുള്ള സൂചനയാണ് പുല്‍ക്കൂടെന്നും പാപ്പാ പറഞ്ഞു.
