ന്യൂഡല്‍ഹി: സിസ്റ്റേഴ്‌സ് ഓഫ് ചാരിറ്റി ഓഫ് ദ സെയന്റ്‌സ് ബര്‍ത്തലോമിയോ കാപ്പിറ്റാനിയോ ആന്റ് വിന്‍സെന്‍ഷ്യ ഗെറോസ അഥവാ ബാംബിന സിസ്‌റ്റേഴ്‌സിന്റെ സുപ്പീരിയര്‍ ജനറലായി ആദ്യമായി ഇന്ത്യക്കാരി തിരഞ്ഞെടുക്കപ്പെട്ടു. സിസ്റ്റര്‍ വെനീസ്യ ഫെര്‍ണാണ്ടസിനാണ് ഈ സന്യാസസമൂഹത്തിന്റെ പുതിയ നേതൃത്വം.
കോണ്‍ഗ്രിഗേഷന്റെ 28 ാമത് ജനറല്‍ ചാപ്റ്ററിലാണ് പുതിയ തിരഞ്ഞെടുപ്പ് നടന്നത്. 191 വര്‍ഷത്തെ പഴക്കമുളള സന്യാസസമൂഹമാണ് ഇത്. ഇറ്റലിക്കാരിയായ സിസ്റ്റര്‍ അന്നാമരിയ വിഗാനോയുടെ പിന്‍ഗാമിയായിട്ടാണ് സിസ്റ്റര്‍ വെനീസ്യ തിരഞ്ഞെടുക്കപ്പെട്ടിരിക്കുന്നത്. ഗോവ സ്വദേശിനിയാണ്.
