വത്തിക്കാന്‍ സിറ്റി: വെടിനിര്‍ത്തല്‍ ധാരണ ദുര്‍ബലമാണെന്ന് താന്‍ മനസ്സിലാക്കുന്നുവെന്നും എന്നാല്‍ യുദ്ധത്തിന്റെ ഭീകരതയും ദുരിതവും ഓര്‍ത്ത്് അത് തുടരണമെന്നും ഫ്രാന്‍സിസ് മാര്‍പാപ്പ. അര്‍മേനിയയ്ക്കും അസര്‍ബൈജാനുമിടയില്‍ വെടിനിര്‍ത്തല്‍ ധാരണയായ സാഹചര്യത്തിലാണ് പാപ്പായുടെ ഈ വാക്കുകള്‍.
സമാധാനം സാധ്യമാകാന്‍ പ്രാര്‍ത്ഥിക്കുന്നുവെന്നും പാപ്പ പറഞ്ഞു. നാഗാര്‍ണോ-കരാബാക് പ്രദേശത്തെ ചൊല്ലിയാണ് രണ്ടാഴ്ച യുദ്ധം നടന്നിരുന്നത്. ഒടുവില്‍ റഷ്യയുടെ മധ്യസ്ഥതയില്‍ താല്ക്കാലിക വെടിനിര്‍ത്തല്‍ പ്രഖ്യാപിച്ചിരിക്കുകയാണ്.
