ഡാര്ജലിംങ്: സലേഷ്യന് ജനറല് കൗണ്സിലര് സ്ഥാനത്തേക്ക് തിരഞ്ഞെടുക്കപ്പെട്ട ആദ്യ ഇന്ത്യക്കാരന് ഫാ. തോമസ് പനക്കീഴം അന്തരിച്ചു. 91 വയസായിരുന്നു. ബാംഗ്ലൂരിലെ ലിറ്റില് സിസ്റ്റേഴ്സ് ഓഫ് ദ പൂവര് ഹോസ്പിറ്റലില് വച്ചായിരുന്നു അന്ത്യം.
നീണ്ട 18 വര്ഷം അദ്ദേഹം മുംബൈ സലേഷ്യന് പ്രൊവിന്സിന്റെ ജനറല് കൗണ്സിലറായിരുന്നു. 1981 ല് ആഫ്രിക്കയില് സലേഷ്യന് സഭ മിഷന് ആരംഭിച്ചത് ഇദ്ദേഹത്തിന്റെ കാലത്തായിരുന്നു. ഇന്ന് ഈസ്റ്റ് ആഫ്രിക്കയില് സലേഷ്യന് സഭ അതിവേഗം വളര്ന്നിരിക്കുകയാണ്.
