ഇറ്റലി: കത്തോലിക്കാവിശ്വാസികളാണെന്ന് അവകാശപ്പെടുന്നവരായിട്ടും ഇറ്റലിയിലെ ജനങ്ങളില്‍ വിശുദ്ധ കുര്‍ബാനയില്‍ പങ്കെടുക്കുന്നവരുടെ എണ്ണം വമ്പിച്ച തോതില്‍ കുറവുണ്ടാകുന്നതായി റിപ്പോര്‍ട്ട്. കോവിഡ് ഈ കുറവിന് ആഘാതം വര്‍ദ്ധിപ്പിച്ചിട്ടുമുണ്ട്.
രണ്ടു ദശാബ്ദത്തിനിടയില്‍ 36.4 ശതമാനത്തില്‍ നിന്ന് 18.8 ശതമാനമായി കുര്‍ബാനയില്‍ പങ്കെടുക്കുന്നവരുടെ എണ്ണം കുറഞ്ഞിട്ടുണ്ട്. കോവിഡിന് ശേഷം ഇറ്റലിയിലെ യുവജനങ്ങളില്‍ 14- നും 24 നും ഇടയില്‍ പ്രായമുള്ളവര്‍ തിരികെ ദേവാലയങ്ങളിലെത്തിയിട്ടില്ല എന്നും റിപ്പോര്‍ട്ട് പറയുന്നു.
വിവാഹം, മാമ്മോദീസാ, മരണം എന്നിവയൊഴികെ ദേവാലയത്തിലെ തിരുക്കര്‍മ്മങ്ങളില്‍ പങ്കെടുക്കുന്നവരുടെ ശതമാനം 31 ആയി കുറഞ്ഞിട്ടുമുണ്ട്.
