വിശുദ്ധവാരത്തില് 19 ഇന്ത്യന് ഭാഷകളില് ബൈബിളിന്റെ മൊബൈല് ആപ്പ് പുറത്തിറങ്ങി. ഗൂഗിള് പ്ലേ സ്റ്റോറില് നിലവില് ലഭ്യമായ ഈ ആപ്പ് വൈകാതെ ആപ്പിള് ആപ്പ് സ്റ്റോറിലും ലഭ്യമാകും. സലേഷ്യന് വൈദികനായ ജോസുകുട്ടി തോമസ് മഠത്തിപ്പറമ്പിലാണ് ഈ ആപ്പ് രൂപകല്പന ചെയ്തിരിക്കുന്നത്. കൂടുതല് ഭാഷകളിലുള്ള മൊബൈല് ആപ്പുകള് സമീപഭാവിയില് പുറത്തുവരുമെന്നും അദ്ദേഹം അറിയിച്ചു. ഓഡിയോ രൂപത്തിലുളള ബൈബിള് ആപ്പാണ് ഇത്. The Holy Bible in Tongues എന്നാണ് ആപ്പിന്റെ പേര്.
