കൊച്ചി: അഭയ കേസില്‍ വിചാരണക്കോടതി വിധിച്ച തടവുശിക്ഷ സസ്‌പെന്റ് ചെയ്ത് ജാമ്യം അനുവദിക്കണം എന്നാവശ്യപ്പെട്ട് പ്രതികളായ ഫാ. തോമസ് കോട്ടൂര്‍, സിസ്റ്റര്‍ സ്‌റ്റെഫി എന്നിവര്‍ നല്കിയ ഹര്‍ജിയില്‍ ഹൈക്കോടതി സിബിഐ യുടെ വിശദീകരണം തേടി.
കേസില്‍ വിചാരണക്കോടതി വിധിക്കെതിരെ ഇരുവരും നല്കിയ അപ്പീല്‍ നേരത്തെ ഫയലില്‍ സ്വീകരിച്ച ഡിവിഷന്‍ ബെഞ്ച് നോട്ടീസ് ഉത്തരവിട്ടിരുന്നു. ഇതിന് പിന്നാലെയാണ് ഇരുപ്രതികളും ജാമ്യാപേക്ഷ നല്കിയത്.
അഭയകേസില്‍ തോമസ് കോട്ടൂരിന് ഇരട്ട ജീവപര്യന്തവും സിസ്റ്റര്‍ സ്റ്റെഫിക്ക് ജീവപര്യന്തം തടവുശിക്ഷയുമാണ് തിരുവനന്തപുരം സിബിഐ കോടതി വിധിച്ചത്.
കഴിഞ്ഞ ഡിസംബര്‍ 23 നായിരുന്നു ശിക്ഷാവിധി. തുടര്‍ന്ന് ഇരുവരെയും ജയിലിലേക്ക് മാറ്റിയിരുന്നു.
