തിരുവനന്തപുരം: എസ്ഐയുസി ഒഴികെയുള്ള ക്രിസ്തുമത വിഭാഗത്തില് പെടുന്ന നാടാര് സമുദായത്തെ സംസ്ഥാന ഒബിസി പട്ടികയില് ഉള്പ്പെടുത്തി. ഇതിനായി 1958 ലെ കേരള സ്റ്റേറ്റ് ആന്റ് സബോര്ഡിനേറ്റ് സര്വീസ് റൂള്സില് 2021 ഓഗസ്റ്റ് 15 മുതല് പ്രാബല്യത്തില് വരുന്നവിധ ഭേദഗതി കൊണ്ടുവരും.
എസ്ഐയുസി ഒഴികെയുള്ള ക്രിസ്ത്യന് നാടാര് വിഭാഗത്തെ സംസ്ഥാന ഒബിസി പട്ടികയില് പെടുത്തി 2021 ഫെബ്രുവരി ആറിന് സര്ക്കാര് ഉത്തരവ് പുറപ്പെടുവിച്ചിരുന്നു. ഭരണഘടനയുടെ 127 ാമത് ഭേദഗതി ബില് പാര്ലമെന്റ് പാസാക്കിയതിനെ തുടര്ന്ന് സമൂഹത്തില് പിന്നാക്കം നില്ക്കുന്ന സമുദായങ്ങളെ ഒബിസി ലിസ്റ്റില് ഉള്പ്പെടുത്താനുള്ള അധികാരം സ്ംസ്ഥാനങ്ങള്ക്ക് തിരികെ ലഭിച്ച സാഹചര്യത്തിലാണ് പുതിയ തീരുമാനം. നിലവിലുളള സംവരണത്തെ ബാധിക്കാതെയാണ് നടപടി.
