മ്യാന്മര്: മ്യാന്മറിലെ പുരാതന കത്തോലിക്കാ ദേവാലയവും ക്രൈസ്തവഗ്രാമങ്ങളും പട്ടാളം നശിപ്പിച്ചു. 129 വര്ഷംപഴക്കമുള്ള അസംപ്ഷന് ദേവാലയമാണ് മിലിട്ടറി തകര്ത്തത്. ജനുവരി 15 ന് നടന്ന ഈ ആക്രമണം കൂടാതെ നിരവധി ക്രൈസ്തവഗ്രാമങ്ങള്ക്ക് നേരെയും പട്ടാളം ആക്രമണം അഴിച്ചുവിട്ടു.
ദേവാലയം പൂര്ണ്ണമായും നശിപ്പിക്കപ്പെട്ടു. ആളപായം സംഭവിച്ചിട്ടില്ല. ദേവാലയം കൂടാതെ പള്ളിമേടയും മഠവും നശിപ്പിക്കപ്പെട്ടു, 500 വീടുകളാണ് നശിപ്പിക്കപ്പെട്ടത്. കഴിഞ്ഞ എട്ടുമാസത്തിനിടയില് നാലാം തവണയാണ് ഗ്രാമങ്ങള്ക്ക് നേരെ പട്ടാളം അക്രമം അഴിച്ചുവിട്ടത്.
മ്യാന്മറിലെ 55 മില്യന് ജനസംഖ്യയില് 8.2 ശതമാനം മാത്രമാണ് ക്രൈസ്തവര്. കഴിഞ്ഞ വര്ഷം മെയില് നടന്ന ആക്രമണത്തില് 20 വീടുകള് തകര്ക്കപ്പെടുകയും രണ്ടുപേര് കൊല്ലപ്പെടുകയും ചെയ്തിരുന്നു.
