സ്്റ്റൂബെന്‍വില്ലി: മുന്‍ പെന്തക്കോസ്ത് പാസ്റ്ററും വിവാഹിതനും അഞ്ചുമക്കളുടെ പിതാവുമായ ഡീക്കന്‍ ഡ്രാക്കെ മക് കാലിസ്റ്റര്‍ ഡിസംബര്‍ 19 ന് ഹോളിഫാമിലി ദേവാലയത്തില്‍ വച്ച് അഭിഷിക്തനാകും. നവംബര്‍ ആറിന് ഇതു സംബനധിച്ച് വത്തിക്കാനില്‍ നിന്ന് ഔദ്യോഗികമായ അറിയിപ്പ് ലഭിച്ചു. സ്റ്റുബൈന്‍വില്ലി രൂപതയ്ക്ക് വേണ്ടിയാണ് ഡ്രാക്കെ അഭിഷിക്തനാകുന്നത്.
ദൈവത്തിന നന്ദി. എന്നിലുള്ള വിശ്വാസവും ഉത്തരവാദിത്തവും ഇതോടെ കൂടുതലായി വര്‍ദ്ധിച്ചിരിക്കുന്നു. വത്തിക്കാനില്‍ നിന്ന് കിട്ടിയ അറിയിപ്പിനോട് ഡ്രാക്കെ പ്രതികരിച്ചു. വിവാഹിതനും പിതാവുമായ ഒരു വ്യക്തി രൂപതയില്‍ നിന്ന് ആദ്യമായിട്ടാണ് വൈദികനാകുന്നത്.
പൗരോഹിത്യത്തില്‍ ബ്രഹ്മചര്യം അനിവാര്യമായ ഒരു ഘടകമാണ്. എന്നാല്‍ ഡ്രാകെയുടെ പൗരോഹിത്യം വഴി നിയമത്തില്‍ അയവു വന്നതായി ആരും വിചാരിക്കരുതെന്ന് ഫ്രാന്‍സിസ് മാര്‍പാപ്പ ഓര്‍മ്മിപ്പിച്ചു.
