ലിയോ പാപ്പയുടെ ജൂൺ മാസത്തെ പ്രാർത്ഥനാ നിയോഗം കായികരംഗത്തിൻ്റെ മൂല്യത്തിനായി
“യുദ്ധത്തിന്റെയും അതിരൂക്ഷമായ ധ്രുവീകരണത്തിന്റെയും ഈ കാലത്ത്, നമ്മെ ഒന്നിപ്പിക്കുന്ന അപൂർവം ചില കാര്യങ്ങളിലൊന്നാണ് കായിക വിനോദം,” ജൂൺ 2-ന് X-ൽ പുറത്തിറക്കിയ ഒരു വീഡിയോയിൽ പോപ്പ് പറഞ്ഞു.
അദ്ദേഹം കൂട്ടിച്ചേർത്തു: “ഈ ജൂണിൽ നമുക്ക് പ്രാർത്ഥിക്കാം — കായികരംഗം സംസ്കാരങ്ങൾക്കും രാഷ്ട്രങ്ങൾക്കും ഇടയിൽ സമാധാനത്തിന്റെയും കൂടിക്കാഴ്ചയുടെയും സംഭാഷണത്തിന്റെയും ഉപകരണമാകട്ടെ; ബഹുമാനം, ഐക്യദാർഢ്യം, വ്യക്തിപരമായ വളർച്ച എന്നിവ പ്രോത്സാഹിപ്പിക്കുന്നതാകട്ടെ.”
പോപ്പ് ലിയോ ഈ മാസത്തെ പ്രാർത്ഥനാ നിയോഗത്തിനായി പ്രത്യേകം രചിക്കപ്പെട്ട ഒരു മൂല പ്രാർത്ഥന ചൊല്ലുന്ന പൂർണ വീഡിയോ Pope’s Worldwide Prayer Network വെബ്സൈറ്റിൽ പങ്കുവച്ചിട്ടുണ്ട്:
പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ. ആമേൻ.
ജീവന്റെ കർത്താവേ,
കായികരംഗം എന്ന വരദാനത്തിന് ഞങ്ങൾ അങ്ങേക്ക് നന്ദി പറയുന്നു;
ശരീരത്തിന്റെ വ്യായാമത്തിലൂടെ ദൈവത്തെ മഹത്വപ്പെടുത്തുന്നവർക്കും,മൈതാനത്ത് ജനിക്കുന്ന സൗഹൃദങ്ങൾക്കും,
ഒരു ടീമായി കളിക്കുന്നതിന്റെ സന്തോഷത്തിനും വേണ്ടി.
ജീവിതത്തിൽ, കളിയിൽ എന്നതുപോലെ,
ആരും ഒറ്റയ്ക്ക് രക്ഷപ്പെടുന്നില്ല എന്ന് അങ്ങ് ഞങ്ങളെ പഠിപ്പിക്കുന്നു.
വളരാനും, ബഹുമാനം പഠിക്കാനും, നമ്മുടെ പരിമിതികളെ മറികടക്കാനും,
നേടുന്ന വിജയങ്ങൾ ഒരുമിച്ചാഘോഷിക്കാനും
നമുക്ക് പരസ്പരം ആവശ്യമുണ്ട്.
കായിക വിനോദം എന്നും
ശൂന്യമായ മത്സരമനോഭാവത്തിന്റെയല്ല, സഹോദരത്വത്തിന്റെ വിദ്യാലയമാകണം;
ഒഴിവാക്കലിന്റെയല്ല, കൂടിക്കാഴ്ചയുടെ ഇടമാകണം;
അക്രമത്തിന്റെയല്ല, സമാധാനത്തിന്റെ പാതയാകണം
എന്ന് ഞങ്ങൾ അപേക്ഷിക്കുന്നു.
കളിക്കുന്നവർ, പരിശീലനം നടത്തുന്നവർ, ആർക്കിടുന്നവർ —
ഇവർ ഓരോരുത്തരും കായിക രംഗത്ത്
സംസ്കാരങ്ങളെ ഒന്നിപ്പിക്കുകയും ജനതകളെ കൂട്ടിയോജിപ്പിക്കുകയും
ബഹുമാനവും ഐക്യദാർഢ്യവും വ്യക്തിപരമായ വളർച്ചയും വിതയ്ക്കുകയും ചെയ്യുന്ന
ഒരു സാർവത്രിക ഭാഷ കണ്ടെത്തട്ടെ.
കർത്താവായ യേശുവേ,
ഓരോ കായിക ഇനവും അങ്ങേക്കൊപ്പം ജീവിക്കുന്ന ജീവിതത്തിന്റെ ഒരു ദൃഷ്ടാന്തകഥയായി മാറട്ടെ —
സന്തോഷത്തോടും അദ്ധ്വാനത്തോടും കൂടെ പ്രവർത്തിക്കുകയും,
പരാജയത്തിൽ വിനയത്തോടെ ജീവിക്കുകയും,അങ്ങ് ഉയിർത്തെഴുന്നേൽപ്പിൽ നൽകുന്ന വിജയത്തിൽ
കൃതജ്ഞതയോടെ ആഘോഷിക്കുകയും ചെയ്യുന്ന ജീവിതം.
അങ്ങയുടെ ആത്മാവ് ഞങ്ങളിൽ ഒരിക്കലും ഇല്ലാതാകരുതേ;
ഞങ്ങളെ ഒരൊറ്റ ടീമായി, അങ്ങേക്കൊപ്പം ഐക്യത്തോടെ,
ചരിത്രത്തിൽ ഐക്യവും സഹോദരത്വവും കെട്ടിപ്പടുക്കുന്നവരാക്കണമേ.
ആമേൻ.
