ഇന്ന് ലോകം മുഴുവന്‍ അറിയപ്പെടുന്നപ്രശസ്ത വചനപ്രഘോഷകനായ ഫാ. ഡൊമിനിക് വാളന്മനാലിനെ രൂപപ്പെടുത്തിയത് ഒരേയൊരുതിരുവചനമായിരുന്നു. അച്ചന്‍ തന്നെയാണ് ഇക്കാര്യം ഒരു പ്രസംഗത്തില്‍ വെളിപെടുത്തിയത്.
നിങ്ങളുടെയിടയിലായിരുന്നപ്പോള്‍ യേശുക്രിസ്തുവിനെക്കുറിച്ചല്ലാതെ അതും ക്രൂശിതനായവനെക്കുറിച്ചല്ലാതെ മറ്റൊന്നിനെക്കുറിച്ചുംഅറിയേണ്ടതില്ലെന്നു ഞാന്‍ തീരുമാനിച്ചു. ( 1 കോറി 2:2)
ഈ വചനമാണ് തന്നെ രക്ഷപ്പെടുത്തിയത്. അതാണ് തന്നില്‍ കത്തിപ്പടര്‍ന്ന്,കത്തിപ്പടര്‍ന്ന് തന്നെ ഇവിടെവരെയെത്തിച്ചത്,. ഈവചനം കേട്ടപ്പോള്‍ ഞാന്‍ കരയാന്‍തുടങ്ങി. എനിക്ക് എന്നെ തന്നെ നിയന്ത്രിക്കാന്‍ സാധിച്ചില്ല. ഞാന്‍ ലോകത്തിന്റേതായ ചിലവായനകളിലൂടെയാണ് ആസമയംകടന്നുപോയിരുന്നത്.വളരെ ഫിലോസഫിക്കലായ ബുക്കുകളായിരുന്നു ലൈബ്രറിയിലുണ്ടായിരുന്നത്. കൂടാതെ സയന്റഫിക്കലായ പുസ്തകങ്ങളും.
പക്ഷേ ഈ വചനം എന്റെകാഴ്ചപ്പാടുകളെ മാറ്റിയെഴുതി. നീ ലോകത്തിലുള്ള ഒന്നിനെക്കുറിച്ചും അറിയാന്‍ പോകണ്ട. നീ ക്രൂശിതനായവനെക്കുറിച്ച് മാത്രമറിഞ്ഞാല്‍ മതി. ഇതെന്നെ മാറ്റിയെടുത്തു. അതോടെ എന്റെ ജീവിതത്തിന്റെ ശൈലി തന്നെ മാറിപ്പോയി, എന്റെ ്സ്വഭാവം തന്നെ മാറിപ്പോയി. ഈ ഒരൊറ്റവചനം കൊണ്ട് ഞാന്‍ വിശുദ്ധീകരിക്കപ്പെട്ടു.
പക്ഷേ ഇതേ വചനം മറ്റ് പലരും കേള്‍ക്കുന്നുണ്ട്. എന്നാല്‍ അവരാരും വചനം വിശ്വസിക്കുകയോ രക്ഷപ്പെടുകയോ ചെയ്യുന്നില്ല. പിശാച് വന്ന് അവരുടെ ഹൃദയങ്ങളില്‍ നിന്ന് വചനം എടുത്തുകളയുന്നുവെന്നും അച്ചന്‍ പറഞ്ഞു.
