നാം ഏറ്റവും അധികം ഭയക്കുന്നത് അകാരണമായ കുറ്റാരോപണങ്ങളാണ്. മനസ്സില്‍ പോലും ചിന്തിക്കാത്ത കാര്യങ്ങള്‍ നമുക്കെതിരെ നിരത്തുന്നവര്‍.. ആത്മാര്‍ത്ഥത തിരിച്ചറിയാതെ പോകുന്നവര്‍.. അതുപോലെ മറ്റുള്ളവര്‍ നമ്മെ ഏതെങ്കിലും തരത്തില്‍ ആക്രമിക്കുമോയെന്നോ ഉപദ്രവിക്കുമെന്നോ ഉളള ഭയവും വല്ലാത്ത അസ്വസ്ഥതയാണ് സമ്മാനിക്കുന്നത്.
ഇങ്ങനെ പലതരം അസ്വസ്ഥതകളിലും വേദനകളിലും ആശങ്കകളിലും കഴിയുന്നവര്‍ക്ക് ആശ്വാസകരമായ ദൈവവചനമാണ് സങ്കീര്‍ത്തനങ്ങള്‍ 27 :2 അതില്‍ ഇപ്രകാരം നാം വായിക്കുന്നു.
എതിരാളികളും ശത്രുക്കളുമായ ദുര്‍വൃത്തര്‍ ദുരാരോപണങ്ങളുമായി എന്നെ ആക്രമിക്കുമ്പോള്‍ അവര്‍തന്നെ കാലിടറി വീഴും. ഒരു സൈന്യം തന്നെ എനിക്കെതിരെ പാളയമടിച്ചാലും എന്റെ ഹൃദയം ഭയം അറിയുകയില്ല. എനിക്കെതിരെ യുദ്ധമുണ്ടായാലും ഞാന്‍ ആത്മധൈര്യം വെടിയുകയില്ല.
ഈ വചനം നമുക്ക് കരുത്തും ആശ്വാസവും ധൈര്യവുമായി ത്തീരട്ടെ.
