അടിച്ചുപൊളിയുടെ കാലമാണ് പലര്‍ക്കും യൗവനം. ശരീരത്തിന്റെയും മനസ്സിന്റെയും ഏത് ഇഷ്ടങ്ങളെയും പിന്തുടരാന്‍ തോന്നുന്ന കാലം. എല്ലാത്തരം ആസക്തികളിലും കൂപ്പുകുത്തുന്ന പ്രായം. പക്ഷേ എല്ലാറ്റിനും ശേഷം മനസ്സിലേക്ക് കടന്നുവരുന്നത് നിരാശയായിരിക്കും. അര്‍ത്ഥമില്ലായ്മയായിരിക്കും.പലരുടെയും മധ്യവയസും വാര്‍ദ്ധക്യവുമൊക്കെ നിരാശാജനകമായിരിക്കാന്‍ കാരണം അവര്‍ തങ്ങളുടെ നല്ലകാലത്ത്-യൗവനകാലത്ത് – വേണ്ടതുപോലെ ആത്മീയജീവിതം നയിക്കാതെപോയതാണ്. അതുകൊണ്ടാണ് സഭാപ്രസംഗകന്‍ നമ്മെ ഇങ്ങനെ ഓര്‍മ്മിപ്പിക്കുന്നത്.
ഒന്നിലും സന്തോഷം തോന്നുന്നില്ല എന്നു നീ പറയുന്ന ദുര്‍ദിനങ്ങളും വര്‍ഷങ്ങളും ആഗമിക്കുംമുമ്പ് യൗവനകാലത്ത് സ്രഷ്ടാവിനെ സ്മരിക്കുക.
( സഭാ 12:1)
നമുക്ക് ഒരൊറ്റ ആയുസേയുള്ളൂ. ഒരൊറ്റ ജീവിതമേയുള്ളൂ. ഈ ജീവിതത്തില്‍നമുക്ക് ദൈവത്തെ മഹത്വപ്പെടുത്തിജീവിക്കാം. ദൈവേഷ്ടമനുസരിച്ച്ജീവിക്കാം. ദൈവവിചാരത്തോടെ ജീവിക്കാം. ദൈവം നമ്മെ അനുഗ്രഹിക്കട്ടെ.
