നിത്യജീവന് വേണ്ടി യേശുവിനെ അന്വേഷിക്കുന്ന ആളാണോ ഞാന്‍? സത്യംപ റഞ്ഞാല്‍ ഞാന്‍ യേശുവിനെ അന്വേഷിക്കുന്നത് എന്തിനാണ്? സത്യംപറഞ്ഞാല്‍ ഞാന്‍ പളളിയില്‍ പോകുന്നതും കുര്‍ബാന സ്വീകരിക്കുന്നതും എന്തിനാണ്? ഞാന്‍ കണ്‍വന്‍ഷനില്‍ സംബന്ധിക്കുന്നത് എന്തിനാണ്? എനിക്ക് നിത്യജീവന്‍കിട്ടും, ഈ പ്രത്യാശയിലാണോ.. ഈ പ്രത്യാശ ഉണ്ടോ..
ഈ പ്രത്യാശ ഇല്ലെങ്കില്‍ പ്രശ്‌നം വരുന്നത് എങ്ങനെയാണെന്ന് അറിയാമോ.. ഞാന്‍ ഒരു അക്രൈസ്തവനോട് സുവിശേഷം പറഞ്ഞപ്പോള്‍ അദ്ദേഹത്തോട് പറഞ്ഞു നീ യേശുക്രിസ്തുവില്‍ വിശ്വസിക്കണം. നിന്റെ രോഗം മാറും. രണ്ടാഴ്ച കഴിഞ്ഞപ്പോള്‍ ആ വ്യക്തിക്ക് കൊറോണ വന്നു. പോയില്ലേ അവന്റെ വിശ്വാസം..?
എന്നാല്‍ നിത്യജീവന് വേണ്ടിയുള്ളവിശ്വാസമാണ് നിങ്ങള്‍ വിശ്വസിക്കുന്നതെങ്കില്‍ ഈ ലോകത്തിലെ ഒരു സഹനത്തിനും നിങ്ങളുടെ വിശ്വാസത്തെ ചോദ്യം ചെയ്യാന്‍ കഴിയില്ല. എന്തു സഹനം വന്നാലും അവിടെയും നിങ്ങള്‍ പറയും ഞങ്ങള്‍ യേശുവിന്റെ കൂടെയാണ്.
