ദൈവം തിന്മ വച്ചുപൊറുപ്പിക്കാത്തത് എന്തുകൊണ്ടാണെന്ന് അറിയാമോ?

ദൈവം ഒരിക്കലും തിന്മ വച്ചുപൊറുപ്പിക്കാറില്ല. തിന്മയ്ക്ക് ദൈവം ഒരിക്കലും കൂട്ടുനില്ക്കുകയുമില്ല. എന്തുകൊണ്ടാണ് ഇങ്ങനെ? എപ്പോഴെങ്കിലും അതേക്കുറിച്ച് ആലോചിച്ചിട്ടുണ്ടോ? അതിന് ഒന്നേ ഉത്തരമേയുള്ളൂ. 1 പത്രോസ് 1; 15.16 ഇതിന് വിശദീകരണം നല്കുന്നു.

മറിച്ച് നിങ്ങളെ വിളിച്ചവന്‍ പരിശുദ്ധനായിരിക്കുന്നതുപോലെ എല്ലാ പ്രവൃത്തികളിലും നിങ്ങള്‍ പരിശുദ്ധരായിരിക്കണം. ഇങ്ങനെ എഴുതപ്പെട്ടിരിക്കുന്നു ഞാന്‍ പരിശുദ്ധനായിരിക്കുന്നതുകൊണ്ട് നിങ്ങളും പരിശുദ്ധരായിരിക്കുവിന്‍.

അതെ ദൈവം പരിശുദ്ധനാണ്. അതുകൊണ്ട് അവിടുന്ന് ഒരിക്കലും തിന്മ വച്ചുപൊറുപ്പിക്കുകയില്ല. തിന്മ സമൂഹത്തിലും വ്യക്തിബന്ധങ്ങളിലും വര്‍ദ്ധിച്ചുവരുമ്പോള്‍ ഒരു കാര്യം നാം മനസ്സിലാക്കിയിരിക്കണം. ദൈവം ഈ തിന്മകളെ ഇല്ലായ്മ ചെയ്യും. അവിടുന്ന് തിന്മയെ നിശ്ശേഷം നശിപ്പിക്കുക തന്നെ ചെയ്യും.