കാല്‍വരിയില്‍ എനിക്കുവേണ്ടി രക്തം ചിന്തി മരിച്ച യേശുവേ എന്നെ വില കൊടുത്തു വാങ്ങിയ യേശുവേ, അവിടുത്തെ അമൂല്യമായ തിരുരക്തം എന്നെ സകലപാപങ്ങളില്‍ നിന്നും രക്ഷിക്കുമല്ലോ. എന്റെ പഞ്ചേന്ദ്രിയങ്ങളെയും ചിന്ത,ഭാവന, ബുദ്ധി, ഓര്‍മ്മ, കല്പനാശക്തി, ഇച്ഛാശക്തി എന്നിവയെയും അങ്ങയുടെ തിരുരക്തത്താല്‍ ഓരോ നിമിഷവും കഴുകണമേ. വിശുദ്ധീകരിക്കണമേ. ഞാന്‍ ഇരിക്കുമ്പോഴും കിടക്കുമ്പോഴും ഓരോ പ്രവൃത്തി ചെയ്യുമ്പോഴും സഞ്ചരിക്കുമ്പോഴും അവിടുത്തെ തിരുരക്തത്തിന്റെ വലിയ സംരക്ഷണം നിരന്തരം എനിക്ക് നല്കണമേ. അങ്ങനെ ഞാന്‍ സാത്താന്റെ കുടിലതന്ത്രങ്ങളെ എതിര്‍ത്തുകൊണ്ട് അവിടുത്തെ പാതയില്‍ സഞ്ചരിക്കുവാനും എപ്പോഴും അവിടുത്തോടുകൂടെ ആയിരിക്കാനും ഇടയാകട്ടെ ആമ്മേന്‍
Related Posts
യേശുവേ അവിടുത്തെ അമൂല്യമായ തിരുരക്തത്താല്‍ ഓരോ നിമിഷവും എന്നെ കഴുകണമേ( 3 പ്രാവശ്യം)
