ഈശോയുടെ സ്വര്‍ഗ്ഗാരോഹണത്തെക്കുറിച്ച് ആഴമായി ചിന്തിക്കാനും ധ്യാനിക്കാനും ആഗ്രഹമുളളവര്‍ക്ക് സ്വര്‍ഗ്ഗാരോഹണത്തിന്റെ ഓരോ സംഭവങ്ങളും ഒറ്റയ്‌ക്കൊറ്റയ്‌ക്കെടുക്കുകയും ആ സംഭവങ്ങളിലൂടെ കടന്നുപോകുകയും ചെയ്യാം. ഏതൊക്കെ സംഭവങ്ങളാണ് നാം ഇവിടെ ധ്യാനിക്കേണ്ടതെന്ന് നോക്കാം.
*ഈശോ മാതാവിനും ശിഷ്യര്‍ക്കും പ്രത്യക്ഷപ്പെടുന്നു
* അവിടുന്ന് തന്റെ അവസാനനിര്‍ദ്ദേശം അവര്‍ക്ക് നല്കുന്നു
*ലോകമെങ്ങും സുവിശേഷം അറിയിക്കാനായി അവരെ നിയോഗിക്കുന്നു
*അവിടുന്ന് കരങ്ങളുയര്‍ത്തുകയും അവരെ അനുഗ്രഹിക്കുകയും ചെയ്യുന്നു
*ഈശോ സ്വര്‍ഗ്ഗാരോഹണം ചെയ്യുന്നു
*മാലാഖമാര്‍ തങ്ങളുടെ രാജാവിനെ സ്വീകരിക്കുന്നു
*പിതാവിന്റെ വലതുഭാഗത്ത് അവിടുന്ന് ഉപവിഷ്ടനാകുന്നു
*സ്വര്‍ഗ്ഗത്തില്‍ നമ്മുടെ അഡ്വക്കേറ്റായി അവിടുന്ന് ഇരിക്കുന്നു
*അവിടുന്ന് നമുക്കു വേണ്ടി സ്ഥലം ഒരുക്കുന്നു
*സ്വര്‍ഗ്ഗത്തെക്കുറിച്ചുള്ള പ്രതീക്ഷകള്‍ അവിടുന്ന് നമ്മെ പഠിപ്പിക്കുകയും സ്വര്‍ഗ്ഗീയമായ കാര്യങ്ങളെക്കുറിച്ചുളള പ്രതീക്ഷകള്‍ നല്കുകയും ചെയ്യുന്നു.
ഈ രഹസ്യങ്ങളിലൂടെ കടന്നുപോകുമ്പോള്‍ ഓരോ നന്മ നിറഞ്ഞ മറിയമേ എന്ന ജപവും ചൊല്ലുക. ഈശോയുടെ സ്വര്‍ഗ്ഗാരോഹണത്തെ ആഴത്തില്‍ മനസ്സിലാക്കാനും ധ്യാനിക്കാനും ഇത് വഴിയൊരുക്കും.
