ഈശോയുടെ തിരുതോളിലെ മുറിവിനോടുളള പ്രാര്‍ത്ഥന കത്തോലിക്കാ വിശ്വാസജീവിതത്തിലെ പ്രധാനപ്പെട്ട പ്രാര്‍ത്ഥനകളിലൊന്നാണ്. ഈ പ്രാര്‍ത്ഥനയ്ക്ക് പിന്നില്‍ ക്രിസ്തുവിന്റെ ഒരു വെളിപ്പെടുത്തലുണ്ട്. പന്ത്രണ്ടാം നൂറ്റാണ്ടില്‍ ജീവിച്ചിരുന്ന ക്ലെയര്‍വാക്‌സിലെ വിശുദ്ധ ബെര്‍ണാര്‍ഡിന് ക്രിസ്്തു തന്നെനടത്തിയ വെളിപെടുത്തല്‍ അനുസരിച്ചാണ് ഈ പ്രാര്‍ത്ഥന രൂപപ്പെട്ടിരിക്കുന്നത്.
പീഡാസഹനവേളയില്‍ ക്രിസ്തുവിനെ ഏറ്റവും അധികം വേദനിപ്പിച്ച മുറിവ്, പീഡ ഏതായിരുന്നുവെന്ന ചോദ്യത്തിന് ക്രിസ്തു പറ്ഞ്ഞ മറുപടി ഇതായിരുന്നു. അവിടുത്തെ തിരുത്തോളിലെ മുറിവായിരുന്നു ക്രിസ്തുവിന്റെ ഏറ്റവും വലിയ വേദന. കുരിശുചുമന്ന തോളിലായിരുന്നു ഈ മുറിവ്. അതുകൊണ്ട് ഇതാരും കണ്ടതുമില്ല.
മറ്റെല്ലാ മുറിവുകളെക്കാള്‍ വേദന നല്കിയതായിരുന്നു ഈ മുറിവ്. ഒരു മനുഷ്യനുപോലും ആ വേദനയുടെ ആഴം അളന്നുതിട്ടപ്പെടുത്തുവാന്‍ കഴിയുമായിരുന്നില്ല. ഈശോ സഹിച്ച കഠിനവും തീവ്രവുമായ ഈ വേദനയുടെ പേരിലാണ് തിരുത്തോളിലെ തിരുമുറിവിനോടുള്ള പ്രാര്‍ത്ഥന ആരംഭിച്ചിരിക്കുന്നത്. ഈശോയുടെ തിരുത്തോളിലെ മുറിവിനെ ധ്യാനിച്ചുകൊണ്ടുള്ള പ്രാര്‍ത്ഥനയിലൂടെ ചോദിക്കുന്നതെന്തും നല്കുമെന്നും ഈശോ വാഗ്ദാനം ചെയ്തിട്ടുണ്ട്.
