മാലാഖമാരെക്കുറിച്ച് വിശുദ്ധ ഗ്രന്ഥത്തില്‍ പരാമര്‍ശിച്ചിട്ടുണ്ട്. പരിശുദ്ധ അമ്മയുടെ ജീവിതവുമായി ബനധപ്പെട്ടും മറ്റുമുള്ള മാലാഖയുടെ ഇടപെടലിനെക്കുറിച്ചായിരിക്കും നമ്മുടെ മനസ്സിലേക്ക് പെട്ടെന്ന് കടന്നുവരുന്നത്. എന്നാല്‍ ഈശോയുടെ ജീവിതത്തിലും മാലാഖമാരുടെ സാന്നിധ്യമുണ്ട്. ഈസ്റ്ററുമായി ബന്ധപ്പെട്ട ദിനങ്ങളിലൂടെ കടന്നുപോകുന്ന ഈ വേളയില്‍ അതേക്കുറിച്ച് മനസ്സിലാക്കുന്നത് നന്നായിരിക്കും.
ലൂക്കായുടെ സുവിശേഷം 22:43 ലാണ് ഇത്തരത്തിലുള്ള ഒരു പരാമര്‍ശമുളളത്. ഈശോ പൂങ്കാവനത്തില്‍ മരണവേദന അനുഭവിച്ചു പ്രാര്‍ത്ഥിച്ചുകൊണ്ടിരിക്കുമ്പോഴായിരുന്നു മാലാഖയുടെ കടന്നുവരവ്. അപ്പോള്‍ അവനെ ശക്തിപ്പെടുത്താന്‍ സ്വര്‍ഗ്ഗത്തില്‍ നിന്ന് ഒരു ദൂതന്‍ പ്രത്യക്ഷപ്പെട്ടു എന്നാണ് അതേക്കുറി്ച്ച് വചനം രേഖപ്പെടുത്തിയിരിക്കുന്നത്.
ഈശോയുടെ ഉയിര്‍പ്പുമായി ബന്ധപ്പെട്ട ഭാഗം വിവരിക്കുന്ന മത്താ 28;1-7 ഭാഗങ്ങളിലും മാലാഖയെക്കുറിച്ച് പരാമര്‍ശിക്കുന്നുണ്ട്.
അതുപോലെ തന്നെ പല വിശുദ്ധരും മിസ്റ്റിക്കുകളും പറയുന്ന ഒരു കാര്യമുണ്ട്. ഈശോയെ കുരിശില്‍ മാലാഖമാര്‍ സഹായിച്ചിരുന്നുവെന്നതാണ് അത്.
