മാലാഖമാരെക്കുറിച്ചും മുഖ്യദൂതന്മാരെക്കുറിച്ചും നമുക്കറിയാം. എന്നാല് മുഖ്യദൂതന്മാരായ മാലാഖമാരാണ് നമ്മുടെ ഓരോ ദിവസങ്ങളെയും നിയന്ത്രിക്കുന്നതെന്ന് നമ്മളില് എത്രപേര്ക്കറിയാം? നാം ഏതു ദിവസമാണോ ജനിച്ചത് ആ മാലാഖമാര് നമ്മെ ജീവിതത്തിലെ വെല്ലുവിളികള് നേരിടാനും അര്ത്ഥപൂര്ണ്ണതയോടെ ജീവിക്കാന് സഹായിക്കുകയും ചെയ്യും. അതുകൊണ്ട് ഓരോ ദിവസത്തെയും മാലാഖമാരെക്കുറിച്ച് അറിയുന്നത് ആ മാലാഖമാരുടെ പ്രത്യേക മാധ്യസ്ഥം തേടി പ്രാര്ത്ഥിക്കുന്നതിന് സഹായകരമായിരിക്കും.
തിങ്കളാഴ്ച ദിവസത്തിന്റെ മാലാഖ മുഖ്യദൂതനായ ഗബ്രിയേലാണ്. അത്ഭുതസിദ്ധിയുള്ളതും പ്രവചനകഴിവുള്ളതുമായ മാലാഖയാണ് ഗബ്രിയേല്. വൈറ്റ്, സില്വര്, കോപ്പര് നിറങ്ങളിലാണ് ഈ മാലാഖയെ ചിത്രീകരിച്ചിരിക്കുന്നത്.
ചൊവ്വാഴ്ചയുടെ മാലാഖ കമായേല്( Camael) ആണ്. അനീതിക്കെതിരെ പോരാടുന്ന മാലാഖയാണ് ഇത്. ചുവപ്പാണ് ഈ മാലാഖയുടെ നിറം
.
റഫായേല് മാലാഖയുടെ ദിനം ബുധനാണ്. ഭിഷഗ്വരുടെയും യാത്രക്കാരുടെയും മാധ്യസ്ഥനാണ് റഫായേല്.
വ്യാഴം സച്ചിയേല്( Sachiel) മാലാഖയുടെ ദിനമാണ്.വെല്ലുവിളികള് ഏറ്റെടുക്കാന് ഈ മാലാഖ നമ്മെ സഹായിക്കും.
അനായേല്( Anael) മാലാഖയുടേതാണ് വെള്ളി. മനുഷ്യബന്ധങ്ങളെ മെച്ചപ്പെടുത്താന് ഈ മാലാഖ സഹായിക്കും.
ശനിയാഴ്ചയുടെ മാലാഖ കാസിയേല് ( Cassiel ) ആണ്. നമ്മുടെ സ്വകാര്യജീവിതത്തെക്കുറിച്ച് ഏറെ പരിഗണനയുളള മാലാഖയാണ് ഇത്. ജോലികള് നന്നായി ചെയ്യുന്നതിനും സഹായിക്കും.
മിഖായേല് മാലാഖയാണ് ഞായറാഴ്ചയുടെ കേന്ദ്രസ്ഥാനം. ദൈവത്തെ പോലെ ആരുണ്ട് എന്നാണല്ലോ ഈ വാക്കിന്റെ അര്ത്ഥം.