ഈ ലോകത്തിലെ സകലവിധ സുഖസൗകര്യങ്ങളും അനുഭവിച്ചാലും എത്രയധികം സമ്പത്ത് വാരിക്കൂട്ടിയാലും എസ്റ്റേറ്റുകളും മണിമാളികകളുംസമ്പാദിച്ചാലും മരണസമയത്ത് സ്വസ്ഥതയോടും സമാധാനത്തോടും കൂടി മരിക്കാന് കഴിഞ്ഞില്ലെങ്കില് അവകൊണ്ടെന്ത് പ്രയോജനം?സമാധാനപൂര്വ്വമായ മരണമാണ്,സന്തോഷത്തോടെയുള്ള മരണമാണ് ഒരു വ്യക്തിക്ക് ഈ ജീവിതത്തില് കിട്ടാവുന്നതില് വച്ചേറ്റവും വലുത്. പക്ഷേ ഇങ്ങനെയൊരു മരണം നമുക്കുണ്ടാകണമെങ്കില് നാം എന്തു ചെയ്യണം?
പ്രഭാഷകന് 1:13 പറയുന്നത് പ്രകാരം കര്ത്താവിനെ ഭയപ്പെടുകയാണ് അതിനുള്ള ഏക പോംവഴി. കര്ത്താവിനെ ഭയപ്പെടുന്നവന് ഒരിക്കലും കര്ത്താവ് പറഞ്ഞതിന് വിരുദ്ധമായി പ്രവര്ത്തിക്കുകയില്ല ,ജീവിക്കുകയില്ല, നീതിബോധവും സത്യസന്ധതയും പുലര്ത്തിക്കൊണ്ടുള്ള ജീവിതമായിരിക്കും അവരുടേത്. അത്തരക്കാരാണ് മരണസമയത്ത് അനുഗ്രഹിക്കപ്പെടുന്നത്. പ്രഭാഷകന് പറയുന്നത് ഇങ്ങനെയാണ്:
കര്ത്താവിനെ ഭയപ്പെടുന്നവന്റെ അവസാനം ശുഭമായിരിക്കും. മരണദിവസം അവന് അനുഗ്രഹീതനാകും.
അതെ, നമുക്ക് കര്ത്താവിനെ ഭയപ്പെട്ട് ജീവിക്കാം. അങ്ങനെ നമ്മുടെ അവസാനം ശുഭകരമാക്കാം.