എന്തിനാണ് വൈദികനോട് പാപങ്ങള്‍ ഏറ്റുപറയുന്നത് നേരിട്ട് ദൈവത്തോട് പാപം പറഞ്ഞാല്‍ പോരെ? ഇങ്ങനെ പലരും ചോദിക്കുന്നത് കേട്ടിട്ടില്ലേ. കുമ്പസാരം കേള്‍ക്കാന്‍ സ്ത്രീകളെയും നിയമിക്കണമെന്നാണ് പുരോഗമനവാദികളായ മറ്റുചിലരുടെ വാദം.
ഇത്തരം അഭിപ്രായങ്ങളും വാദങ്ങളും പുകയുമ്പോള്‍ കത്തോലിക്കാവിശ്വാസാധിഷ്ഠിതമായി ഇവയ്‌ക്കെങ്ങനെയാണ് നാം മറുപടികൊടുക്കേണ്ടത്. അല്ലെങ്കില്‍ എന്തുകൊണ്ടാണ് വൈദികനോട് പാപങ്ങള്‍ ഏറ്റുപറയുന്നത്?
സഭയുടെ പ്രതിനിധിയാണ് വൈദികന്‍. കാരണം മിശിഹാ സഭയെയാണ് അനുരഞ്ജനത്തിന്റെ കൂദാശ ഭരമേല്പിച്ചിരിക്കുന്നത്. പുരോഹിതന്‍ പാപങ്ങള്‍ മോചിപ്പിക്കുന്നത്‌ദൈവനാമത്തിലും ശ്ലൈഹികാധികാരത്തിലുമാണ്. എല്ലാറ്റിനും ഉപരിയായി പാപങ്ങള്‍ മോചിക്കുന്നത് ദൈവം തന്നെയാണ്.
പുരോഹിതന്‍ ഒരു പ്രതിനിധി മാത്രം. ദൈവതിരുമുമ്പില്‍ പാപങ്ങള്‍ വൈദികരോട് ഏറ്റുപറയുമ്പോള്‍ അത് ദൈവസ്തുതിയായും സഭയോടും ദൈവത്തോടുമുള്ള ബഹുമാനമായും അനുരഞ്ജനമായും തീരുന്നു.
